По успешното лансирање на првата регионална бизнис веб-страница и телевизијата Блумберг Адрија, од денеска на семејството му се приклучува и печатениот магазин Блумберг бизнисвик Адрија (Bloomberg Businessweek Adria).
Bloomberg Businessweek Adria
Месечникот гордо го носи името на популарниот неделник „Блумберг бизнисвик“ (Bloomberg Businessweek), кој на пазарот е речиси сто години. За тоа време претрпе многу трансформации и преживеа доста турбуленции. Но на крајот - преживеа, и тоа главно поради неговата висококвалитетна и уникатна содржина, која, секако, е збогатена со шарени, живи и смели илустрации.
И во овој случај, во регионалното издание, секако може да следуваат бурни месеци. Списанието ќе се издава на три јазици - српски, хрватски и словенечки - и ќе се дистрибуира во дури пет земји: Србија, Хрватска, Словенија, Босна и Херцеговина и Северна Македонија. Подготовката на регионални длабински текстови и преводи на сите јазици и дистрибуцијата до претплатниците е голема логистичка задача. Затоа се клучни доброто планирање, соработката и пред сè комуникацијата.
За сето тоа внимава Марја Милич, главна и одговорна уредничка и на ова месечно списание и на дигиталната редакција на „Блумберг Адрија“ во Словенија.
„Подготовката на толку содржаен магазин е како, на пример, натпревар во кошарка или фудбал - треба да имате добро координиран тим, доволно време за подготовка и добар капитен, кој дава јасни инструкции и контролира сè. Се разбира, има проблеми, а кога ќе се случат, се учат и вредни лекции, кои ги збогатуваат со искуство сите во тимот“, вели Милиќ.
Претплатниците на „Блумберг Адрија“ ќе го добиваат месечникот во последниот четврток од месецот, со исклучок на јули и август. Ќе можат да читаат длабински приказни што се напишани овде, дома - во регионот. Приказни за деловни можности, навики, актуелни економски теми и слично. Истите тие ќе бидат сликовито претставени и со зборови и со слики, а не само со суви статистики.
За да не се држиме само до регионалните рамки, содржината ќе ја збогатиме и со текстови од светскиот неделник. Тој е револуционерен, продорен, отвора теми што другите ги избегнуваат.
Каква содржина ве очекува?
Покрај главните, насловни теми, содржината е поделена во пет различни главни категории - бизнис, економија, финансии, технологија и инспирација. Во последниот сегмент, очигледно, претставуваме приказни што инспирираат. Ќе бидат објавени и коментари од светски и регионални аналитичари. Сè ќе биде збогатено со илустрации од регионални креатори.
Списанието е наменето за читатели што сакаат да читаат квалитетна длабинска содржина во слободното време, покрај добро кафе и кроасан. Оние што веќе се навикнати да читаат статии на екран ќе можат да пристапат до содржината и онлајн.
„За време на развојот на 'Блумберг Адрија', го истражувавме пазарот и длабоко ги анализиравме навиките за следење на медиумите, како и потребите на бизнис-заедницата. Покрај потребата бизнисмените и темите поврзани со бизнисот конечно да бидат во центарот на вниманието, како и желбата за соработка на дигиталните платформи, споделувањето приказни, разговори и состаноци, една работа беше сосема јасна. Желбата за право печатено списание, нешто што можете да го држите во рака, да го земете дома и да го прочитате за време на викендот и да имате корист од него повеќе од само еден ден. ’Бизнисвик’ (Businessweek) совршено се вклопува - со својот пристап за раскажување приказни, дизајнот и реномето. Горди сме што ’Блумберг бизнисвик Адрија’ (Bloomberg Businessweek Adria) добива посебно место во платформата“, вели Русмир Нефиќ, член на управниот одбор на „Блумберг Адрија“.
За списанието Bloomberg Businessweek може да се претплатите ТУКА
Што ќе прочитате во првото издание?
Во премиерното издание на магазинот ќе можете да проверите кој се најде на листата на ТОП 50 поединци од регионот што имаа најголемо влијание во 2022 година. Листата вклучува шаренолика група луѓе од светот на политиката, финансиите, бизнисот, науката, спортот и забавата. Беа предложени повеќе од 120 лица, а конечната одлука ја донесе уредничкиот совет, кој го сочинуваат уредниците на сите портали: Томислав Охарек (Хрватска), Јелена Стјепановиќ (Србија), Александра Томиќ (С. Македонија), Ријад Дуркиќ (БиХ) и Даниел Фазлиќ и Марја Милич (Словенија).
Со тимот од новинари, проверивме како американската „Тесла“ се пробива во родното место на Никола Тесла. Приказните се особено интересни на местата каде што нема застапништва, но луѓето навистина имаат силна желба да го возат овој електричен автомобил.
Зошто ракијата не е комерцијално успешна како коњакот или вискито? Има голем потенцијал, но проблемите се на друго место.
Како е да се живее без граници кога Хрватска влегува во Шенген? За ова зборуваат луѓе што живееле на или во близината на границата во последните 30 години.
Базенот на работници во целиот регион е испразнет. Високата плата веќе не е доволна, на работниците мора да им се понуди нешто повеќе. Проверивме што им предлагаат работодавците и како ги разгалуваат работниците во регионот.
Целата содржина на „Блумберг бизнисвик Адрија“ (Bloomberg Businessweek Adria) е достапна на: https://mk.bloombergadria.com/businessweek-adria/
.webp){kind=icon}
