.webp){kind=icon}
Трошоците за подготовка на класичен oброк во рестораните се зголемени за речиси 13 отсто за една година.
За да го следи ефектот на инфлацијата врз изборот на омиленото мени на купувачите, Bloomberg креира американски индекс за оброк (American Diner Index) кој вклучува клуб сендвич, со порција помфрит како прилог и сладолед и сок како десерт.
Иако сопствениците на ресторани не мора да ги префрлат сите зголемени трошоци на своите клиенти, мерачот дава увид во тоа колку се зголемени трошоците за подготовка на омилениот оброк.
Цените на марулата односно зелената салата и лебот за една година се зголемени за 33 и 20 отсто соодветно, што придонесе за пораст на индексот, кој се базира на податоците за потрошувачките цени месечно објавувани од страна на Бирото за статистика на трудот на САД. Две други клучни состојки во клуб сендвичот, мисиркино месо и шунка, исто така се поскапени за повеќе од 10 отсто. И половина галон сладолед (околу 2,25 килограми) сега чини околу 5,64 долари, што е повеќе од 4,92 долари пред една година.
Американска кошница за оброк
Минимална вкупна цена на сите намирници / Bloomberg
Товарот веројатно повеќе паѓа на сопствениците на рестораните кои се загрижени дека зголемувањето на цените може да предизвика намалување на посетителите.
И навистина, некои редовни посетители на малиот синџир на ресторани „Хот Дог Шоп“ (Hot Dog Shoppe) во областа Јангстаун, Охајо имале проблем да платат дури и неколку пени повеќе за своите омилени оброци, вели сопственикот Грег Војновиќ. „Кога ја зголемив цената на чили хот-дог за два пени на 1,19 долари, некои луѓе горко се пожалија на тоа“, рече тој.
На крајот тој бил принуден да ја подигне цената на сегашните 1,39 долари.
Трошоците за храна во САД се зголемени за 11,4 отсто од пред една година, најмногу од 1979 година и се клучен двигател на вкупната стапка на инфлација од 8,3 отсто.
Американскиот оброк во август 2022 година
Промени на цените од година во година, во проценти / Bloomberg
Зелената салата има најголем годишен скок во индексот на оброк, најверојатно поради намалувањето на посевите од страна на американските фармери кои се претпазливи поради непредвидливата побарувачка на потрошувачите. Мисиркиното месо и шунката се во пораст за 16 и 12 отсто, соодветно.
Сепак, трошоците за храна се само дел од проблемот. Во последно време и набавката за прибор за јадење може да претставува проблем.
