„ЕЦБ да продолжи да ги зголемува каматите“
Европската централна банка (ЕЦБ) треба да продолжи да ги зголемува каматните стапки во услови на превисока базична стапка на инфлација, рече членот на Управниот совет, Клас Нот.
„ЕЦБ ќе мора да ги зголеми трошоците за позајмување сè додека не се ублажи основната инфлација. Нашиот вистински проблем во моментов е што базичната инфлација е сè уште превисока“, рече Нот во интервју за ТВ-емисијата „Бујтенхоф“.
Македонија на чекор до воведување данок на јаглерод
Македонија е на чекор до воведување давачка што треба да влијае за намалување на емисиите што придонесуваат за климатски промени. Законот за климатска акција, кој во моментов е во фаза на финална обработка во Министерството за животна средина, предвидува плаќање на таканаречен надомест на јаглерод.
Таксата ќе ја плаќаат компаниите што извезуваат во Европската Унија. Имено, „правните лица што вршат дејност односно активност и кои испуштаат стакленички гасови при вршење на дејностите се должни да плаќаат надоместок за емисија на стакленички гасови за секој тон верификуван емитуван јаглерод диоксид од емисии од согорување со користење методологија на масен баланс“, одговорија од Министерството за животна средина за „Блумбрег Адрија“.
Колку е „тешка“ круната на кралот Чарлс Трети?
Круната Свети Едвард, со која викендов и официјално беше одбележано крунисувањето на кралот Чарлс Трети во Вестминстерската опатија, е повеќевековен симбол за крунисување на британските владетели и се користи исклучиво за таа цел.
Нејзината вредност е предмет на долгогодишна дебата... По церемонијата на крунисување, очите на светот се насочени и кон соочувањето со тежината на новата кралска положба од страна на Чарлс Трети и тоа како ќе изгледа британската реалност кога ќе помине еуфоријата.
Бројот на вработени во ТИРЗ во април достигна 16.700 лица
Бројот на вработени во ТИРЗ во април повторно бележи раст и достигна 16.700. Тоа е за 15 проценти повеќе од април 2022 година односно 20 проценти повеќе од 2021 година, покажува редовната месечна анализа на Дирекцијата.
Само од почетокот на годинава во компаниите во ТИРЗ се вработени речиси 500 наши сограѓани.
„Продолжува и растот на извозот, кој заклучно со април достигна 1.230 милијарди евра. Само во април, компаниите во ТИРЗ реализирале извоз од 277 милиони евра, што е за 12 проценти споредено со април минатата година. И увозот во првите четири месеци од годинава достигна над една милијарда евра. 250 милиони евра увоз оствариле компаниите во ТИРЗ само во април, што е на исто рамниште со април 2022 година“, појаснуваат од ТИРЗ.
Поради ваквите економски движења, како што наведуваат, продолжува и позитивниот тренд на раст кај нето-извозот, кој заклучно со април е 20,5 проценти.
Денеска читајте...
Измешана е сликата во трговијата на мало во регионот Адрија на почетокот на 2023 година, при што малопродажбата во Босна и Херцеговина и Македонија сè уште расте, во Хрватска стагнира, а во Словенија и Србија опаѓа, констатираат од аналитичкиот тим на „Блумберг Адрија“ во новата анализа за овој сектор објавена на „Блумберг Адрија инсајт“.
„Депозитите на домаќинствата се повисоки во Словенија, Хрватска и Србија, додека реалните нето-плати приспособени на инфлацијата се зголемени во споредба со крајот на 2019 година насекаде, освен во Словенија и Македонија“, велат аналитичарите.
.webp){kind=icon}
