.webp){kind=icon}
Женева останува жариште за меѓународна шпионажа и бројот на руски агенти кои дејствуваат во градот би можел да порасне од неколкуте десетици кои се таму во моментот, соопшти швајцарската разузнавачка служба.
„Неодамна, повеќе европски држави протераа руски разузнавачи, што може да ги наведе руските служби да распоредат свои сили во држави, како Швајцарија, кои не извршија никакви протерувања“, соопшти швајцарската Федерална разузнавачка служба (ФИС) во својот најнов извештај за тековната ситуација, објавен во понеделникот.
Тензиите меѓу традиционално неутралната Швајцарија и Русија се заострија откако Берн во февруари одлучи целосно да ги прифати санкциите на Европската унија воведени по инвазијата на претседателот Владимир Путин на Украина. Швајцарскиот претседател Игнацио Касис во мај рече дека одлуката за усвојување на тие санкции кон Русија не значи дека таа го изгубила својот кредибилитет како центар за дипломатија, туку дека покажува кои вредности ги поддржуваме неговата земја и каде сака да повлече границата.
Кристијан Даси, кој беше стациониран во Москва од 2000 до 2004 година како швајцарски дипломат и го презеде раководството на службата во ноември, ја повтори таа загриженост во интервју за Tages-Anzeiger.
„Женева останува срцето на шпионските активности во Швајцарија и знаеме дека таму се активни неколку десетици офицери во дипломатските и конзуларните претставништва на Русија“, рече Даси.
