Лионел Меси го финализираше преминот во американскиот фудбалски клуб Интер Мајами, потпишувајќи мултимилионски договор за кој фудбалските фанови се надеваат дека ќе биде пресвртница во САД кога е во прашање најпопуларниот спорт во светот.
Според вчерашното соопштение, договорот на Меси ќе трае до 2025 година. Интер Мајами вечерва ќе го претстави новото засилување на својот стадион во Форт Лодердејл и тој ќе биде на располагање за натпреварот со мексиканскиот клуб Круз Азул на 21 јули.
Цените на билетите за тој натпревар веќе вртоглаво пораснаа, откако Меси изјави дека се сели во Мајами и планира да му се приклучи на Интер Мајами.
Прочитај повеќе
Доаѓањето на Меси во Мајами ќе ја круниса упорноста на Бекам
Дејвид Бекам трпеше пораз по пораз во неговиот речиси децениски долг обид да го претвори Мајами во фудбалски град.
08.06.2023
Меси и Роналдо ја започнаа трансформацијата на Саудиска Арабија
За користење на иконите на западната поп-култура за зајакнување на својот статус и влијание, Саудиска Арабија е подготвена да издвои многу пари.
23.05.2023
„Многу сум возбуден што ќе го започнам следниот чекор во мојата кариера со Интер Мајами и во САД“, рече Меси во изјавата. „Имам голема желба да почнам да помагам овде во мојот нов дом“.
Легендата на аргентинскиот фудбал може да заработи дури 150 милиони долари за две и пол години, според „Спортико“ (Sportico), во трансакција која вклучува и удел во клубот и договори за поделба на приходите со „Епл“ (Apple Inc.) и „Адидас“ (Adidas AG.).
Тоа беше доволно да го натера Меси да ја одбие понудата од клубот од Саудиска Арабија Ал-Хилал, кој на 36-годишниот играч му понуди договор со кој би заработил околу 400 милиони долари годишно, според новинарските извештаи.
Меси пристигна во Мајами минатата недела, што предизвика „лудило“. Фудбалските фанови го следеа секој негов потег преку социјалните мрежи, вклучително и посетата на супермаркет на Флорида, додека низ градот никнуваат огромни мурали на Меси.
Во Интер Мајами, Меси повторно ќе биде обединет со поранешниот тренер на Барселона и Аргентина, Херардо „Тата“ Мартино, кој ја презеде функцијата главен тренер кон крајот на јуни. Заедно ќе мора да го засилат клубот кој има слаби перформанси и никогаш не се борел за титула. Интер Мајами е во сопственост на Дејвид Бекам и семејството Мас.
„Пред десет години, кога го започнав моето патување за изградба на нов тим во Мајами, реков дека сонувам да ги донесам најголемите играчи во светот во овој неверојатен град“, рече Бекам во изјавата. „Денес тој сон се оствари“.
.webp){kind=icon}
Во моментов нема коментари за веста. Биди прв да коментира...