Општо

Чудни бури се појавија на Балканот и во делови од Европа

Извор: Paul Tugwell,Misha Savic/Bloomberg

23 јули 2023, 17:08

Ажурирано 24 јули 2023, 12:34

Низ Грција беснеат пожари

Обилни врнежи над балканските земји

Италија беше зафатена од град со големина на тениско топче

Чудни бури се појавија на Балканот и во делови од Европа

Bloomberg Mercury

Топлотните бранови носат екстремни временски услови низ Европа, од шумски пожари во Грција до невреме со град во Италија и обилни врнежи на Балканот. Грчката крајбрежна стража прави напори за евакуација на туристите и локалното население од плажите во областите Киотари и Лардос во источниот дел на островот Родос, откако шумски пожар избувна во саботата на повисоките места во регионот.

Крајбрежната стража ја координираше евакуацијата на илјадници луѓе и операцијата е во тек, објави грчкиот министер за поморство Милтиадис Варвициотис на Твитер. „Повеќе од 170 грчки пожарникари, кои користат возила, хеликоптери и авиони, го гаснат пожарот“, изјави портпаролот на противпожарната служба. Грчкиот премиер Киријакос Мицотакис во саботата отиде во Националниот координативен центар за операции и управување со кризи, каде што се координираат операциите за локализирање на пожарот на Родос. Досега околу 2.500 луѓе се евакуирани по море. Властите за цивилна заштита предупредија на многу висок ризик од шумски пожари в недела низ цела Грција, бидејќи се очекува температурите да достигнат до 45 Целзиусови степени во некои области.

Град во Италија

И други делови на Европа се справуваат со последиците од чудните бури. Област во северна Италија беше зафатена од град со големина на тениско топче, откако земјата доживеа екстремно високи жештини, кои ги соборија температурните рекорди во Рим. Лука Заја, претседател на регионот Венето, кој е дом на Венеција, во четвртокот објави видео на Твитер на кое се гледа пустошот од градот, за кој рече дека има дијаметар дури од 10 сантиметри.

❌❌❌ LA DEVASTAZIONE DELLA GRANDINE IN VENETO! ❌❌❌

❄️ La grandine caduta è stata assolutamente fuori dal comune, fino a 10 cm di diametro.

👉 Inserirò in mattinata tutti i comuni colpiti dalla grandine nello Stato di Emergenza Regionale firmato ieri per il Bellunese. pic.twitter.com/YFnlM8guXA — Luca Zaia (@zaiapresidente) July 20, 2023

Балкански бури

Невремето исто така предизвика хаос и во делови од Западен Балкан, вклучувајќи ја и Србија, каде што три лица загинаа во текот на ноќта во одделни инциденти. Жена загина во пожар предизвикан од гром, 12-годишно момче загина од паѓање на дрво, а маж го удрил струен удар кога се обидел да ги отстрани далноводите искинати од екстремниот ветер. Претходно оваа недела шест лица загинаа во слично невреме и екстремни временски услови во Хрватска, Словенија и Босна и Херцеговина. Обилните врнежи, налетите на ветерот и молњите ги оштетија електроенергетските системи, уништија десетици автомобили и однесоа покриви од неколку згради во регионот.