.webp){kind=icon}
Извозот на кокаин од Колумбија се зголеми на рекордно ниво минатата година, при што дрогата преплави нови пазари и поттикнува насилство низ целата планета.
Сателитските фотографии прикажуваат дека површината на земјиште засадено со кока, која се користи како суровина за производство на дрогата, се искачило на 230.000 хектари (570.000 акри), во 2022 година, што е зголемување за 13 отсто од претходната година.
Тоа е доволно за да се произведат 1.700 тони рафиниран кокаин, најмногу досега, според извештајот објавен во понеделникот од канцеларијата на ООН за дрога и криминал.
Порастот во снабдувањето доведе до зголемување на чистотата во Европа и САД и зголемување на нападите насекаде од Африка до Азија и Источна Европа. Поради тоа, некогаш мирољубивиот Еквадор прерасна во една од најнасилните земји во светот, бидејќи картелите се борат за превласт и контрола на пристаништата и маршрутите.
Густаво Петро ја презеде власта како колумбиски претседател минатиот август, велејќи дека повеќедецениската војна против дрогата што ја спроведуваат Вашингтон и Богота не успеала и вети нов пристап. Неговата влада во моментов бара разговори со главните групи за трговија со дрога во земјата, со надеж дека ќе му стави крај на граѓанскиот конфликт долг шест децении.
