Регионалните финансиски центри Хонгконг и Сингапур се на врвот на новата глобална листа на најскапи градови за иселеници, задржувајќи ги швајцарските дестинации надвор од првите места вторпат по ред. Високите трошоци за изнајмување им овозможија на овие ривали да ги надминат Цирих, Женева, Базел и Берн, според извештајот за трошоците на животот на „Мерсер“ за 2024 година.
Њујорк падна за едно место на седмото место. Лондон се рангираше на осмото место, со скок од девет места од минатогодишното рангирање.
Hong Kong (Bloomberg)
Во извештајот на „Мерсер“ се наведува дека зголемените трошоци за домување и „нестабилните трендови на инфлација“ вршат притисок врз пакетите за компензација на иселениците (различните форми на финансиска и друга поддршка што работодавците им ја даваат на вработените за да се приспособат на животот и работата во странска земја).
„Предизвиците со трошоците за живот имаа значително влијание врз мултинационалните организации и нивните вработени“, наведе Ивон Трабер, лидер за глобална мобилност во „Мерсер“, во соопштението за печатот.
„Високите трошоци за живот може да ги принудат вработените да го приспособат својот животен стил, да го намалат дискреционото трошење или дури и да се борат да ги задоволат основните потреби“, рече Трабер. „За да се спротивстават на овие предизвици, работодавците можат да понудат пакети за компензација што вклучуваат станбени додатоци или субвенции или да обезбедат други услуги за поддршка“.
Други места на списокот:
Седум американски града влегоа во првите 20, вклучувајќи ги Лос Анџелес (10-то), Хонолулу (12-то) и Сан Франциско (13-то). Сиднеј е најскапиот град во регионот на Пацификот (58-то место), Торонто е најскапиот град во Канада (92-то), Мумбај е најскапата дестинација во Индија (136-то место), Лагос (225-то) и Абуџа (226-то) во Нигерија паднаа на дното на табелата поради валутни флуктуации.
„Мерсер“ ги спореди трошоците за повеќе од 200 предмети и услуги - вклучувајќи домување, транспорт, храна, облека и покуќнина - за да дојде до рангирање од 226 града.
Ова се 30-те најскапи градови во светот за странци:
- Хонгконг, Кина
- Сингапур
- Цирих, Швајцарија
- Женева, Швајцарија
- Базел, Швајцарија
- Берн, Швајцарија
- Њујорк, САД
- Лондон, Велика Британија
- Насау, Бахамите
- Лос Анџелес, САД
- Копенхаген, Данска
- Хонолулу, САД
- Сан Франциско, САД
- Банги, Централноафриканска Република
- Дубаи, Обединети Арапски Емирати
- Тел Авив, Израел
- Мајами, САД
- Џибути, Џибути
- Бостон, САД
- Чикаго, САД
- Нџамена, Чад
- Вашингтон ДЦ, САД
- Шангај, Кина
- Виена, Австрија
- Пекинг, Кина
- Конакри, Гвинеја
- Атланта, САД
- Сиетл, САД
- Париз, Франција
- Амстердам, Холандија
.webp){kind=icon}