.webp){kind=icon}
Италијанските тимови за пребарување и спасување, го пронајдоа телото на британскиот Бил Гејтс, технолошкиот магнат Мајк Линч. Судбината на неговата 18 годишна ќерка Хана останува непозната. Меѓу телата кои вчера беа извлечени од морето кај Сицилијае по невремето во понеделникот, е и тоа на Џонатан Блумер, претседател на „Морган Стенли Интерационал„ и преземач на „Никсох“, и Крис Морвило, адвокат во „Клифорд“.
Добро утро, ова се петте вести кои се важни за почеток на денот.
Како чувствителните информации влијаат врз инвеститорите на Македонската берза?
Летото е период во кој инвеститорите со нетрпение ги очекуваат полугодишните финансиски извештаи на компаниите што котираат на големите светски берзи. Моментот на објава на извештаите предизвикува верижни позитивни или негативни реакции на пазарите, кои се манифестираат преку засилена побарувачка или продажба на акциите во зависност од остварените резултати и очекувања за работењето до крајот на годината. Тоа предизвикува зголемување или пад на вредноста на акциите, што во некои случаи поради интензитетот може да изнуди насмевки или да предизвика главоболки за инвеститорите.
Анализирајќи како реагираат инвеститорите на Македонската берза на објавата на финансиските извештаи и другите ценовно чувствителни информации, заклучивме дека нашиот пазар на капитал е далеку од светските трендови. Меѓу главните причини за тоа се малата понуда на слободни акции од котираните компании и недостигот од нови компании на берзата што би го раздвижиле пазарот.
КХВ дозволи „Комерцијална банка“ да даде понуда за „Стопанска банка Битола“
Комисијата за хартии од вредност (КХВ) денеска на седница донесе решение со кое на „Комерцијална банка“ ѝ издаде дозвола за давање понуда за преземање на „Стопанска банка Битола“.
Понудата за преземање се однесува на 390.977 обични акции со право на глас издадени од „Стопанска банка Битола“, кои претставуваат 100 проценти од основната главнина на банката. Преземањето на хартиите од вредност ќе се врши по цена од 3.200 денари по акција.
Новиот кабриолет „мерцедес-мајбах СЛ“ не е „тивок луксуз“
„Мерцедес-Мајбах“ (Mercedes-Maybach) го претстави луксузниот кабриолет на забава во Кармел, Калифорнија, во петокот вечер, како дел од новата офанзива на пазарот на модели на „Мерцедес-Бенц“ по разочарувачките резултати од првата генерација електрични возила.
„Мерцедес-мајбах СЛ 680 монограм“ од 2026 година, двосед со мек покрив, се базира на „мерцедес-АМГ СЛ 63“ и е најмалиот модерен „мајбах“ досега. Ова е најновиот доказ за посветеноста на марката кон создавање екстравагантно украсени автомобили, традиција што датира уште од отворениот „мајбах цепелин“ и „СВ 38 родстер“ од 1930-тите.
БМВ за прв пат ја надмина „Тесла“ во европската продажба на ЕВ
БМВ ја надмина „Тесла“ на електрични возила во Европската унија за прв пат минатиот месец, бидејќи германскиот производител на автомобили успеа да ги зголеми испораките пазарот за автомобили на батерии.
Продажбата на целосно електрични БМВ во блокот скокна за околу една третина на 14.869 единици во јули, според податоците. Испораките на Тесла се намалија за 16 отсто на 14.561 единици.
Масивен дијамант од 2.492 карати откриен во рудник во Боцвана
Масивен дијамант од 2.492 карати, еден од најголемите вакви камења некогаш пронајдени е откопан од рудник во Боцвана. Каменот, пронајден во рудникот Карове (Karowe), кој го води канадската компанија „Лукара дајмонд“ (Lucara Diamond Corp.), допрва треба да биде темелно проценет и не е јасно дали ќе ги биде меѓу скапоцените камења со највисок квалитет. Но, тој не е многу помал од 3.106-каратниот „Кулинан“ (Cullinan Diamond), најголемиот во светот, кој беше откриен во Јужна Африка во 1905 година.
Откритието е направено со помош на технологија за рендген инсталирана во рудникот за да се идентификуваат камењата со висока вредност во телото на примарната руда, соопштија од „Лукара“. Пронаоѓањето на новиот дијамант доаѓа по два други значајни наоди во рудникот „Карове“, вклучувајќи го „Севело“ од 1.758 карати и „Леседи Ла Рона“ од 1.109 карати.
