Враќањето во канцеларија ја зголеми потрошувачката на кафе надвор од домот

Пиењето кафе во кафетерии или за носење, односно во движење надвор, скокна на ниво од пред пандемијата бидејќи потрошувачите се враќаат во продавниците и угостителските објекти, а работниците во канцеларија.

Пиењето кафе надвор од домот, што вклучува јавна консумација на работно место, во угостителски објекти, во природа или во јавен превоз, има проблеми од периодот на пандемијата поради тоа што беше актуелна работата оддома. Дневната потрошувачка на кафе во САД, која и натаму е близу до максимумот во последните 20 години, главно е поттикната од домашната употреба. Повеќе од 80 проценти од тие што минатите денови пиеле кафе го сториле тоа дома, известуваат од Националната асоцијација за кафе на САД. Претходно дури една третина од тие што уживаат во кафето го пиеле надвор од домот.

Закрепнувањето на пиењето кафе надвор од домовите доаѓа дури и во услови кога шолјата кафе е поскапа, со оглед на тоа што зрното арабика, врвна сорта што ја фаворизираат „Старбакс“ (Starbucks Corp.) и поголемиот дел специјализирани продавници за кафе, неделава достигна највисока цена во последните 13 години.

Некои синџири на кафетерии ги удвојуваат напорите за да ги вратат потрошувачите назад. Според новиот главен извршен директор Брајан Никол, „Старбакс“, кој се бори со падот на продажбата, се фокусира на тоа кафулињата повторно да станат места каде што клиентите ќе се сретнуваат и дружат.

Во моментов нема коментари за веста. Биди прв да коментира...

Остави коментар