.webp){kind=icon}
Јутјуб (YouTube) отстрани повеќе од 10.000 видеа поврзани со конгресните избори во САД поради кршење на правилата, а 75 отсто од нив се отстранети пред да достигнат 100 прегледи, соопшти денеска Гугл (Google).
„Ги имплементиравме нашите политики без оглед на статусот на јавната личност на говорникот или политичките ставови и без оглед на јазикот на кој беше содржината“, напиша во пост на блог, Лесли Милер, потпретседател за владини работи и јавна политика на Јутјуб (YouTube). „Ќе ги примениме знаењата стекнати од овие избори во САД во нашата тековна работа за поддршка на интегритетот на изборите ширум светот“.
Популарната видео-страница и другите социјални мрежи се под притисок од претседателските избори во САД во 2016 година за да се осигураат дека нивните платформи не се користени за ширење политички дезинформации. Јутјуб ги објави своите резултати сега, по завршувањето на вториот круг од изборите во Џорџија на почетокот на овој месец.
Компанијата соопшти дека ја отстранувале содржината што ги прекршува правилата, кои ги доведуваат во заблуда луѓето за тоа како да гласаат, да поттикнуваат насилство и да промовираат дезинформации, како таа за украдените претседателските избори во САД во 2020 година. Видео-платформата, исто така, објави дека повеќе од 85 отсто од нејзините видео препораки засновани на алгоритам за теми поврзани со конгреснките избори потекнуваат од авторитативни извори на вести на повеќе јазици, вклучително и англиски и шпански, од места како што се Univision и NBC News.
