.webp){kind=icon}
Министерката за одбрана Славјанка Петровска и секретарот за одбрана на САД, Лојд Остин, по средбата во Пентагон ги поставија темелите за развој на одбранбената соработка помеѓу двете земји сојузнички за следните десет години, соопшти денеска македонското министерство за одбрана.
На средбата стана збор и за европските интеграции на земјите од Западен Балкан, при што министерката Петровска и секретарот за одбрана Остин заклучија дека се потребни брзи чекори напред и јасен сигнал дека процесот се движи кон главната цел - членство во Унијата.
Од Министерството за одбрана појаснуваат дека новиот патоказ што беше потпишан во Пентагон ги дефинира областите во македонско-американската одбранбена соработка што ќе бидат приоритетни во следната декада и преку кои ќе се развиваат одбраната и армијата.
МИА
„Северна Македонија денеска е земја-членка на НАТО и ние заедно со САД стоиме рамо до рамо во справувањето со заедничките безбедносни предизвици. Минатата година САД ни дадоа огромна поддршка, која не беше само финансиска. Разменувавме знаење и искуство, вежбавме и се обучувавме заедно и ние сме горди што заедно придонесуваме кон безбедноста на НАТО и на регионот“, рече министерката Петровска на состанокот.
Американскиот секретар за одбрана Остин посочи дека земјава е долгогодишен и одличен пријател на САД, при што се споделуваат исти интереси и вредности.
„Горд сум што имаме долгорочно и силно билатерално партнерство“, рече Остин и додаде дека патоказот за соработката во следните десет години покажува дека можеме да работиме заедно на модернизацијата и заедно да се справуваме со глобалните предизвици.
