.webp){kind=icon}
Германија и Израел потпишаа формална обврска за купување на системот за воздушна одбрана „Arrow 3“ од Берлин од четири милијарди евра (4,2 милијарди долари), со што е запечатен најголемиот воен извозен договор во израелската историја.
Германскиот министер за одбрана Борис Писториус и неговиот израелски колега Јоав Галант, на церемонијата во четвртокот во Берлин ја потпишаа заедничката изјава за намери за проектот.
Галант, чии родители се преживеани од Холокаустот, ја нарече продажбата на Германија „особено значајна за секој Евреин“ и рече дека ќе има значителен придонес за економијата на Израел. Американската влада ја одобри историската набавка на одбранбениот систем „Arrow 3“ на Германија.
Системот „Arrow“, заеднички развиен од „Израел Аероспејс “ (Israel Aerospace Industries), открива, следи, пресретнува и уништува тактички балистички ракети на широк простор и е дизајниран да ги заштити стратешките средства и центрите за население.
Според Јонатан Фриман, експерт за меѓународни односи на Хебрејскиот универзитет во Ерусалим, договорот ги зајакнува врските на Израел со Германија и НАТО, а истовремено го нагласува неговото партнерство со неговиот најважен сојузник, САД.
„Со овој договор, Израел се согласува дека постои зголемена потенцијална закана од Русија за Европа“, рече Фримен. „Ова е значајно бидејќи потенцијално може да влијае на израелско-руските односи каде Израел се обидува да биде неутрален“.
