.webp){kind=icon}
Рускиот министер за надворешни работи Сергеј Лавров во понеделникот изјави дека ќе учествува на состанокот на ОБСЕ во Македонија доколку Бугарија го отвори својот воздушен простор и дека некои западни земји побарале средби со него.
„Бугарија ѝ вети на Македонија дека ќе го отвори својот воздушен простор - ако се случи тоа, тогаш ќе бидеме таму. Ајде да видиме“, изјави Лавров на конференција во Москва.
„Веќе има неколку барања за средби - вклучувајќи и од западни претставници“, рече Лавров откако претходно зборуваше за средбата што ја имал со американскиот државен секретар Eнтони Блинкен на Г20 минатата година.
Прочитај повеќе
Министерствата за надворешни и одбрана ќе одлучат за слетувањето на Лавров
Преку надополнета одлука, Владата им пренесе овластување на надлежните министерства сами да можат да одлучат за издавање одобрение за прелет и слетување.
24.11.2023
Османи: Процедурата за доаѓањето на Лавров во Скопје е почната
Во санкциите за Русија, за меѓународни организации како што е ОБСЕ е дозволен прелет, вели министерот.
14.11.2023
Министрите за надворешни работи на Организацијата за безбедност и соработка во Европа треба да се сретнат во Скопје на 30 ноември и 1 декември.
Групата од 57 членки, која се протега низ поголемиот дел од северната хемисфера, има цел да спречи конфликти и безбедносни кризи.
Бугарскиот воздушен простор е затворен за руски авиони како дел од санкциите на Европската Унија наметнати како одговор на руската инвазија на Украина во февруари 2022 година, која Москва ја нарекува „специјална воена операција“.
