.webp){kind=icon}
Војната во Украина беше во фокусот на првиот ден од 30. Самит на министрите за надворешни работи на Организацијата за безбедност и соработка во Европа (ОБСЕ).
За поголемиот дел од министрите руската офанзива кон Украина е директна закана за слободата на цивилното население, за меѓународното право, како и принципите на ОБСЕ.
Рускиот министер за надворешни работи Сергеј Лавров се чини дека го привлече најголемото медиумско внимание на самиот. Тој во своето обраќање изјави дека ОБСЕ е на работ на бездна и дека западот ги уништува сите шанси за заживување на организацијата.
MFA Russia/X
Неговото обраќање беше бојкотирано од дел од делегациите, кои станаа и ја напуштија конференциската сала веднаш откако претседавачот со ОБСЕ, Бујар Османи, го најави обраќањето на шефот на руската дипломатија.
Во текот на утрешниот ден се планирани три панел дискусии на теми:
Млади и граѓанско општество
За луѓето е влијанието на теренските операции на ОБСЕ во 2023 година
Зачувување на плурализмот, безбедност на новинарките
За време на самитот на ОБСЕ министрите на Србија, Црна Гора, Северна Македонија, Босна и Херцеговина и Албанија потпишаа заедничка декларација за борба против корупцијата.
На најголемиот меѓународен политички настан организиран во земјава од независноста присуствуваат шефовите на дипломатиите на најголем број од земјите учеснички на ОБСЕ, меѓу кои првите дипломати на САД, на Русија, на Канада, на Велика Британија, министри од земјите членки на ЕУ и на НАТО, од Медитеранот, Блискиот Исток и од Централна Азија.
