Камала Харис официјално стана претседателски кандидат на демократите

Потпретседателката на САД, Камала Харис, официјално стана претседателски кандидат на Демократската партија, откако беше избрана преку онлајн гласање на Демократскиот национален комитет.

Таа е првата црнкиња и Индијка што стана кандидат на водечка американска партија за кампања за Белата куќа.

Харис е родена во Калифорнија во 1964 година како дете на имигранти: нејзината мајка потекнува од Индија, а татко ѝ е роден во Јамајка. По нивниот развод, Камала и нејзината сестра Маја главно биле одгледани од мајка им, под силно влијание на индиските традиции, но потоа сите ја присвоиле црната култура на Оукленд. „Мајка ми многу добро сфаќаше дека одгледува две црнкињи. Таа беше посветена кон тоа јас и Маја да пораснеме во самоуверени, горди црни жени“, напиша Харис во својата автобиографија.

Таа вели дека отсекогаш била комотна со својот идентитет и се опишувала себеси како Американка.

Откако поминала четири години на Харвард и добила диплома по право на Калифорнискиот универзитет во Хестингс, Харис станала главна обвинителка на Сан Франциско, а потоа во 2017 година беше избрана за сенаторка.

Таа од 2014 година е во брак со адвокатот Даглас Емхоф, станувајќи помајка на неговите две деца.

Во моментов нема коментари за веста. Биди прв да коментира...

Остави коментар