Просечниот број на патнички возила на илјада жители во ЕУ во 2022 година изнесувал 560, соопшти Еуростат. Во текот на декадата 2012-2022 година, просечниот број се зголемил за 14,3 проценти (од 490 на 560 патнички автомобили на илјада жители).
Италија имала најголем број со 684 патнички автомобили на илјада жители, а по неа следат Луксембург (678), Финска (661) и Кипар (658). Во меѓувреме, најниска стапка има Латвија со 414 патнички автомобили на илјада жители, потоа Романија (417) и Унгарија (424).
Податоците покажуваат дека земјите од централна и источна ЕУ забележале високи стапки на раст помеѓу 2012 и 2022 година. Меѓу земјите на ЕУ, Романија забележала најголем раст на патнички автомобили на илјада жители (+86,2 проценти), а потоа следи Хрватска (+44,8 проценти), Унгарија (+40,9 проценти), Словачка (+40,1 проценти) и Естонија (+39,7 проценти).
Од земјите од регионот Адрија, над европскиот просек е Словенија(573 патнички возила на илјада жители), а потоа следуваат Хрватска(491), Србија(344) Македонија(263) и БиХ(262).
Според податоците на Еуростат, во изминативе години има континуирано зголемување на бројот на патнички возила во Македонија, кој се зголемил од 168 на илјада жители во 2013 година на 263 на илјада жители во 2022 година.
.webp){kind=icon}
Во моментов нема коментари за веста. Биди прв да коментира...