text size
Сараево ја освои титулата најдобар град за посета во 2025 година, според читателите на „Нешнл џиографик травел“ (National Geographic Travel). Гласањето беше спроведено преку Инстаграм страницата на овој престижен магазин, а меѓу финалистите се најдоа пет светски дестинации.
Во конкуренција на Хо Ши Мин Сити (Виетнам), Њу Орлеанс (САД), Бодрум (Турција) и Куско (Перу), Сараево победи како омилена дестинација што читателите сакаат да ја посетат следната година.
„Нешнл џиографик травел“ истакна дека главниот град на Босна и Херцеговина фасцинира со својата богата историја и природни убавини и ги покани патниците да ги истражат пазарите во градот, да прошетаат покрај Миљачка и нејзините мостови и да уживаат во уникатниот пејзаж што го нуди овој град.
Прочитај повеќе
Олимписките плакати од светски и регионални уметници ги спојуваат Сараево и Белград, 40 години подоцна
Зимските олимписки игри во Сараево повторно се во центарот на вниманието, но не поради спортот, туку поради уметничките плакати.
19.09.2024
Спомени од Сараево '84: Костовски му ја врачил наградата на Франко
Секој добитник на златен медал за награда добивал видеорикордер.
02.03.2024
Сараево '84: Четириесет години по најголемиот регионален економски успех
Организацијата на Зимските олимписки игри (ЗОИ) беше првокласна економска, политичка и социјална победа за земјата, која пропадна само осум години подоцна.
01.03.2024
„Сараево, Босна и Херцеговина, е победник во изборот на читателите за Најдоброто на светот 2025 година“, стои на официјалната страница на Инстаграм на магазинот.
Оттаму додадоа дека главниот град на Босна и Херцеговина продолжува да ги инспирира љубопитните патници од целиот свет - „не е ни чудо што убедливо го освои овогодинешниот избор на читателите“.
„Вековната историја на Сараево е вткаена во неговата природна убавина, како реката Миљачка, која тече под повеќе од десетина мостови, вклучувајќи ги Латинскиот мост и Скендерија, пешачки мост изграден од истите материјали како Ајфеловата кула, според локалните преданија“, се вели во објавата.
На патниците им се препорачува да го посетат тунелот Спаса, да ги вкусат локални вина како „жилавка“ и „блатина“, како и авантури како рафтинг и алпско скијање или планинарење до еден од најпрекрасните европски водопади.
Со ова признание Сараево дополнително ја зацврсти својата позиција на туристичката мапа на светот, привлекувајќи го вниманието на меѓународните посетители како неизбежна дестинација за 2025 година.
Летната туристичка сезона годинава донесе низа позитивни промени, со акцент на зголемениот интерес за автентични и приватни искуства, како кај домашните, така и кај странските посетители.
Меѓународниот аеродром во Сараево неодамна собори нов рекорд во бројот на патници, а веќе е јасно дека 2024 година стана најуспешната година досега за овој аеродром. Имено, до средината на октомври низ сараевскиот аеродром поминале 1,5 милиони патници. Аеродромот во Сараево веќе го надмина резултатот од 2023 година, кога беа опслужени 1,3 милиони патници.
.webp){kind=icon}
