text size
Граѓанската иницијатива за бојкот на маркетите поради високите цени вчера го намали прометот во нив за над 46 отсто, покажуваат податоците на Управата за јавни приходи.
УЈП денеска ги објави податоците од системот за регистрирање на готовински промет (GPRS), односно регистриран готовински промет во 8 – те поголеми ланци на маркети на територијата на целата држава за деновите 24, 30 и 31 јануари 2025 година.
„Според споредбената анализа на податоците, во петок, 31.01.2025 година во однос на петок, 24.01.2025 година, во осумте поголеми ланци на маркети е забележан пад на вкупниот промет за 46.59 отсто. Во петок, 31.01.2025 година, во однос на четврток, 30.01.2025 година, во осумте поголеми ланци на маркети е забележан пад на вкупниот промет за 46.29 отсто“, стои во соопштението од УЈП.
Прочитај повеќе
Бојкот на маркетите и во Македонија: На цел регион му се смачи од поскапувања
По Хрватска, бојкот на маркетите в петок ќе има и во Србија, Црна Гора и во Македонија. Целта не е да се снабдите претходно со потребното, туку да го купите од мали продавници или пазари.
30.01.2025
Индустриските производи во декември поскапеле за 5,3 отсто
Најголем раст на цените има кај секторот енергија, кои на годишно ниво се зголемиле за 12,9 отсто.
28.01.2025
Инфлацијата расте, на годишно ниво во декември поевтиниле само рибите
На годишно ниво цените на храната пораснале за над пет отсто
08.01.2025
Отсега нефер трговските практики ќе се казнуваат со 20.000 евра
Законот за нефер трговски практики по директива на ЕУ функционира од крајот на септември лани, ама казнувањето се спроведува од годинава
04.01.2025
Вчера до полноќ, во GPRS системот на УЈП е регистриран вкупен промет во износ од 114,293,367 денари. Прометот во четвртокот изнесувал 212,782,151 денари. Минатиот петок УЈП регистрирала вкупен промет од 213,985,705 денари.
УЈП ќе продолжи со следење и анализа на овие трендови, како и информирање на јавноста за сите важни податоци кои ќе имаат влијание на економијата.
Премиерот Христијан Мицкоски денеска еден ден по бојкотот на големите маркети по постојаното поскапување на основните прехранбени производи, изјави дека инспекторите се на терен во сите поголеми супермаркети, се прави детална анализа, при што според првичните сознанија она за што биле загрижени во однос на цените е всушност реалност. Повеќе детали за анализите најави од понеделник.
Освен во земјава, вчера граѓаните од целиот регион Адрија ги бојкотираа големите маркети, а иницијативата почна во Хрватска пред една недела.
Според податоците на Даночната управа на Хрватска, вкупниот број на издадени фактури во трговијата на мало во петокот, на 31 јануари, е за 20 отсто поголем од минатиот петок, кога исто така беше спроведен бојкотот, а вкупниот износ на издадените фактури е поголем за 19 отсто. Но, споредено со 17 јануари кога немаше бојкот, бројот на фактури е помал за 32 отсто, а сумата е помала за 44 отсто.
.webp){kind=icon}
