.webp){kind=icon}
Србија ќе издава долгорочни државни хартии од вредност во вредност од 340 милиони евра, потврди Министерството за финансии за Bloomberg Adria.
Причините за новото задолжување се финансирањето на буџетскиот дефицит, рефинансирањето на достасаните обврски врз основа на јавниот долг, како и финансирањето на тековната ликвидност.
Обврзниците ќе бидат издадени на 23 август годинава, а се поделени во две емисии.
Првата емисија е со вкупна вредност од 250 милиони евра и таа доспева во август 2025 година. Втората, пак е вредна 90 милиони евра а рокот на доспевање е август 2026 година.
Обврзниците се продаваат со директно преговарање со квалификуван инвеститор.
Долгорочните државни хартии од вредност ќе се регистрираат кај германската банка „Deutsche Bank Aktiengesellschaft“, која исто така ќе врши клиринг и балансирање.
Оваа одлука беше објавена вчера во Службен весник.
