Инфлацијата во Босна и Херцеговина достигна нов рекорд. Нивото на цените во јули 2022 година во однос на истиот месец минатата година е повисоко за 16,7 отсто, покажуваат најновите податоци на Агенцијата за статистика на БиХ. Инфлацијата во Република Српска е пониска и изнесува 15,4 отсто, а во Федереацијата БиХ 17,6 отсто..
Според податоците на Агенцијата за јули годинава, во однос на јули лани, најмногу растеле цените на превозот, и тоа за 34,2 отсто и храната безалкохолните пијалоци за 24,7 отсто.
Цените за домување и режиските трошоци пораснале за 15,4 отсто, а мебелот, уредите за во домот и редовното одржување на становите за 10,4 отсто. Рестораните и хотелите се поскапи за 10,8 отсто, рекреација и култура за 8,7 отсто, останати стоки и услуги за 6,4 отсто.
Со ваквите бројки, Босна и Херцеговина е единствена земја во регионот Адрија со повисока стапка на инфлација од Македонија.
Во јули во земјава беше измерено рекордно зголемување на трошоците на живот од 16 отсто во споредба со минатата година.
Најголем раст минатиот месец во земјава беше забележан кај храната од 23,6 отсто, транспортот од 24 отсто, рестораните и хотелите за 15,8 отсто и домувањето исто така за 15,8 отсто. Кај храната, речиси сите основни производи имаат двоцефрен раст.
Иако на годишно ниво земјава има пониска инфлација од БиХ, сепак, статистиката покажува дека во земјава таа расте побрзо. Имено, во јули во однос на јуни годинава растот на инфлацијата изнесува 1,9 отсто, а во БиХ 0,7 отсто.
.webp){kind=icon}
Во моментов нема коментари за веста. Биди прв да коментира...