Во рамки на саемот „Винска визија на Отворен Балкан“ (Wine Vision by Open Balkan) денеска, Северна Македонија, Србија и Албанија, потпишаа Договор за обезбеденост со храна и договорија реализација на проект „Вински патишта на Отворен Балкан“.
Министерот за земјоделство, Љупчо Николовски на својот фејсбук профил објави дека Договорот за обезбеденост со храна ќе овозможи земјите членки на Отворен Балкан да си помагаат меѓусебно во случај на прекин на синџирите на снабдувањето со храна како последица од глобалната криза.
„Овој Договор е само почеток на една многу поголема идеја, а тоа е развивање на сеопфатен акциски план за долгорочна обезбеденост со храна, кој е проектиран до 2030 година“, посочи Николовски, додавајќи дека ова е уште една потврда оти Србија, Албанија и Северна Македонија се заедно во овие тешки времиња.
Заедничка изјава за реализација на проект „Вински патишта на Отворен Балкан“, потпишаа министерот за економија Крешник Бектеши, министерката за трговија, туризам и телекомуникации на Србија, Татјана Матиќ и албанската министерка за животна средина и туризам, Мирела Кумбаро. Станува збор за проект кој има за цел да ја зголеми туристичката понуда во винската индустрија.
МИА
Проектот опфаќа вински патишта во Северна Македонија, Албанија и Србија, вински оази (посебни винарски визби кои не се наоѓаат на винските патишта), како и развој на туристичка сообраќајна сигнализација и дигитална платформа која ќе содржи податоци за сите точки на интерес вклучувајќи ги и податоците за геолокација.
Во овој проект ќе бидат претставени винарии, винарски визби, здруженија на винари и лозари, тематски музеи, продавници за вино и вински центри. Истиот ќе се развива во согласност со законските регулативи и стандарди на ЕУ.
На вториот ден од Самитот на Отворен Балкан во Белград, премиерот Димитар Ковачевски заедно со лидерите од регионот и со министрите за транспорт и врски Благој Бочварски, за правда Никола Тупанчевски, заменик-министерот за Информатичко општество и администрација Александар Бајдевски, директорите на ТИРЗ, Јован Деспотовски и на Агенција за странски инвестиции, Беким Емини и членови на работните групи од сите земји, учествуваа на состанокот со Инвестициската група и Атлантскиот совет.
На состанокот се дискутираше за мерките кои се преземаат за зголемување на инвестициите во регионот.
Bloomberg Adria
Премиерот Ковачевски истакна дека она што е важно е да се развиваат механизми за соработка и заеднички да се работи на регионална конкурентност наспроти регионална конкуренција.
„Само со конкретни мерки, ќе делуваме ко н подобрување и зајакнување на бизнис опкружувањето, не само на нашите национални економии, туку заедно да креираме висока додадена вредност за бизнисот во еден поширок контекст за земјите иницијатори на Отворен Балкан и сите кои сакаат да се придружат на оваа иницијатива, на патот кон ЕУ“, посочи Ковачевски.
.webp){kind=icon}
