Владата на Србија го ограничува извозот на млеко за да одговори на моменталниот недостиг во земјата, дознава редакцијата на Блумберг Адриа. Одлуката ќе важи и за одредени млечни производи.
Дополнително, млекото со 2,8 отсто млечна маст од денеска ќе чини 128,99 динари, а максималната маржа за тргување за сите видови млеко се намалува од 12 на пет отсто.
Инаку во Србија неколку дена нема доволно млеко на полиците во продавниците, кои во некои маркети дури и се празнат целосно. Од млекарниците изјавуваат дека станува збор за вештачки недостиг направен поради зголемената побарувачка. Граѓаните реагираа панично на гласините дека ќе снема млеко и купувале пакети од производот. Поголемите трговци изјавуваат дека има доволно и нема да има потреба за интервенции.
Сепак поради недостигот, како што се дознава, Владата ќе го ограничи извозот. Одлуката нема да се однесува на земјите-членки на иницијативата „Отворен Балкан“, така што Северна Македонија и Албанија сепак ќе можат да увезуваат млеко од Србија.
Експертите подолг период укажуваат на лошата ситуација.
„Веќе извесно време е евидентно дека состојбата во сточарството со млечни говеда е доста сложена и тешка, бидејќи е поврзана со поширокиот контекст на поскапувања во целиот синџир – од примарното производство (храна и одгледување говеда), преку преработка на млеко (константен раст на сите суровини и логистика), до пласман“, изјави за Bloomberg Adria Маја Баѓин Георгијевиќ од Млекара Шабац.
.webp){kind=icon}
Во моментов нема коментари за веста. Биди прв да коментира...