Македонија во 2025 година ќе биде трета по растот на БДП во регионот Адрија. Според прогнозата на нашиот аналитички тим, трендот на раст ќе продолжи и ќе биде проследен со стабилен раст на потрошувачката, инфраструктурни инвестиции и подобра надворешна побарувачка.
Србија ќе биде земја со највисок раст во регионот поради инвестициите во инфраструктурата и подобриот извозен потенцијал. Македонија ќе оствари раст од три отсто кој главно ќе се должи на подобрата домашна побарувачка и инвестициите поврзани со коридорите 8 и 10, како и проектите од областа на енергетиката.
Инфлација и каматни стапки
Аналитичарите на „Блумберг Адрија“ констатираат дека инфлацијата забавува, но во наредниот период се очекува да дојде до израз нејзината отпорност.
„Имајќи предвид дека очекуваме економски раст, а платите во регионот веќе извесно време реално растат, домашната побарувачка ќе биде главниот столб на отпорноста на инфлацијата и тоа најдобро ќе се одрази во бројките за базичната инфлацијата“, велат аналитичарите.
Во однос на каматните стапки, нашите аналитичари очекуваат натамошно монетарно олабавување. НБРМ ќе ги следи чекорите на Европската централна банка.
Нашиот аналитички тим очекува дека во 2025 година ќе гледаме континуирано претпазливо и постепено олабавување на монетарната политика на Фед.
Проценките се дека референтната каматна стапка до крајот на годината би можела да падне на ниво од 3,75 отсто, што е за 175 базични поени пониско од највисоката стапка од овој циклус на монетарно затегнување (5,5 отсто).
Платите ќе растат
Отпорноста на инфлацијата во еден дел ќе се должи на платите кои ќе продолжат да растат, сметаат нашите аналитичари.
„Просторот за раст на платите во регионот е овозможен со подобрената состојба на пазарот на трудот, бидејќи стапките на невработеност се на или блиску до историски најниско ниво, а недостигот од работна сила станува сè поизразен ограничувачки фактор за растот“, велат тие.
Прочитај повеќе:
Македонските директори не пресметале повисоки плати за идната година
Близу 70.000 работници не зеле плата навреме
Суровини
Откако на 1 јануари престанаа испораките на гас од Русија преку Украина за Централна Европа, цените на енергетот почнаа да растат притиснати и од студеното време кое придонесе брзо да се празнат европските складишта.
Нашиот аналитички тим очекува дека цената на енергетот, сепак ќе остане стабилна во текот на 2025 година, пред се поради поголемите инвестиции во ветерна и сончева енергија.
За цената на нафтата се очекува да се движат околу 70 долари за барел, затоа што кинеските фискални политики немаат ефектот врз цените на енергентот.
Нашите аналитичари очекуваат цените на бакарот и на алуминиумот да останат во нагорен тренд, при што побарувачката е поврзана со обновливите извори на енергија и вештачката интелигенција, со намалувањето на каматните стапки што го балансираат забавувањето на индустријата на западните економии и со бавното закрепнување на Кина. Силниот американски долар не им прави услуги на цените. Повеќе заштитни мерки може да доведат до поголема разлика во цените меѓу главните пазари.
Ќе продолжи и трендот на раст на цените на какаото и кафето. А рекордни врендости и во текот на 2025 година ќе има цената на златото. Ќе расте и цената на среброто.
Прочитај повеќе:
Топ 25 за 2025-та: Луѓе и идеи со влијание во регионот
Македонски стартап преку инвестициски самит во Абу Даби го освојува светот
Македонската берза е ѕвездата за 2024 година
Македонскиот берзански индекс МБИ10 ја завршува 2024 година со раст од 65 отсто, со што вторпат по 2007 година ја достигна својата историски највисока вредност. Ја помина волшебната граница од 10.000 поени. Македонската берза годинава е меѓу најпрофитабилните берзи во светот, претекнувајќи ги дури и најважните берзи како Њујорк, Франкфурт и Лондон, како и сите регионални берзи.
Нашите аналитичари за оваа година прогнозираат дека акциските индекси во регионот (со исклучок на БиХ) веројатно ќе продолжат да растат, поттикнати од поволните макроекономски показатели. Сепак, тој раст може да биде умерен поради зголемените вреднувања, особено во Македонија и во Хрватска.
Прочитај повеќе:
МБИ10 во транс: Внимателно со бикот, да не заигра мечката пред врата
Новите еколошки регулативи во ЕУ ќе ја дотепаат автомобилската индустрија
Спорт
Вообичаено, непарните години во спортот се помалку интересни од парните, но 2025 година може да биде сосема поинаква. Иако не нѐ очекуваат Олимписки игри, светски или европски турнири на фудбалски репрезентации, сепак пред нас е година во спортот што може да донесе целосна неизвесност. Овој пат фокусот не мора нужно да биде на тревникот, туку во ложите и конференциските сали на стадионите и спортските институции.
.webp){kind=icon}
