Очекуваме цените на бакарот и на алуминиумот да останат во нагорен тренд, при што побарувачката е поврзана со обновливите извори на енергија и вештачката интелигенција, со намалувањето на каматните стапки што го балансираат забавувањето на индустријата на западните економии и со бавното закрепнување на Кина. Силниот американски долар не им прави услуги на цените. Повеќе заштитни мерки може да доведат до поголема разлика во цените меѓу главните пазари.
Контрацикличност и географски поместувања
Индустриските метали имаат корист од подобрите макроекономски изгледи во услови на паѓање на каматните стапки. Но изгледите се разликуваат на глобално ниво, со оглед на промените на изворите на побарувачката. Кинеската индустрија созрева, што носи забавување на побарувачката за индустриски метали, додека очекуваме зголемување на побарувачката во Индија и на пазарите во развој во Азија.
Показателите за тековниот производствен сентимент (PMI) се во експанзивни зона во Кина и Јужна Кореја, покачени во Индија и генерално позитивни за пазарите во развој. Индија моментално има најголема искра на раст, со оглед на нејзиниот брз развој и понатамошниот потенцијал. Производство на електрична опрема во Индија се зголеми за 17 проценти на годишно ниво во првите 10 месеци од 2024 година.
Целата анализа на пазарот на стоки прочитајте ја на „Блумберг Адрија инсајт“
Од друга страна, имаме цифри на PMI за производство во ЕУ што се борат да излезат од зоната на контракција. Забавеното враќање во кинескиот градежен сектор (до ноември 2024-та продажбата на станбени згради падна за 20 проценти) ќе се прелее на другите сектори, како на производството на трајни производи за широка потрошувачка, и ќе влијае на индустриската побарувачка за метали.
Побарувачка од зелените индустрии
Очекуваме да опстои побарувачката на бакар поврзана со зелените технологии и да биде условена од напорите кон поставените цели. Според податоците на Меѓународната агенција за енергија, побарувачката за бакар ќе се зголеми за 19 проценти до 2030 година во однос на 2023 година според најпесимистичкото сценарио за политиките и за 29 проценти во случај на најоптимистичкото сценарио во однос на зелената транзиција, кое предвидува нулта емисии.
Чистите технологии зафатија 25 проценти од побарувачката на бакар во 2023 година. Со оглед на тоа што бакарот е клучен метал за зелена транзиција, зголемувањето на побарувачката ќе ги вивне овие бројки од 37 до 49 проценти до 2050 година. Побарувачката од Кина ќе има ниски едноцифрени стапки, поддржани од зголемената побарувачка за надградби на мрежата инсталации за обновлива енергија. Со доаѓањето на администрацијата на Доналд Трамп, фокусот ќе се помести од зелената транзиција.
Заштитни мерки
Покрај важечките заштитни мерки, постои неизвесност околу тарифите што ќе ги наметне администрацијата на Доналд Трамп. Во моментов е нејасно како ќе се движат заштитните мерки. Особено во случајот со алуминиумот, со оглед на тоа што американските производители користат канадски алуминиум и зголемените тарифи може да имаат негативно влијание, што не е нивна цел. Тарифите генерално ќе ја забават побарувачката и ќе влијаат на индустриското производство, доведувајќи мечкино чувство на пазарот на индустриски метали.
Развој на податочни центри за вештачка интелигенција
Настрана од зелената транзиција, бакарот е еден од клучните елементи во полупроводниците што се од огромна важност за производството на чипови. Унапредувањето на вештачката интелигенција и центрите за податоци ќе стојат зад побарувачката на бакар и дури може да предизвикаат недостиг од бакар до 2030 година.
.webp){kind=icon}
