text size
Колку би ја чинело Македонија задолжувањето преку еврообврзница во 2025 година и дали е можно државата да најде пари за финансирање на буџетскиот дефицит односно јавниот долг по поволни услови на домашниот пазар се прашања на кои ќе дадеме одговор со помош на аналитичарите на „Блумберг Адрија“.
Истражуваме дали постојат дупки во регулативата за заштита на личните податоци кои овозможуваат злоупотреби на штета на физичките лица и прашуваме како граѓаните најдобро да се заштитат од зачестените обиди за онлајн измами. Анализираме каква е состојбата со застарените долгови на граѓаните и фирмите односно кои долгови се отпишуваат. Откриваме какви се трендовите кај увозот на нови и употребувани возила во Македонија и какви се приносите кај пензиските фондови.
Анализираме какви станбени објекти се градат во земјава и колку се почитуваат пропишаните стандарди за градење. Истовремено, истражуваме колку станови во земјава се под хипотека и колку се празни.
Со оглед на тоа што Европската унија воспостави ново тело коешто треба да овозможи побрз развој на стартапи и скејлапи, прашуваме што треба да се направи кај нас за да се поттикне раст на иновативни компании.
.webp){kind=icon}
