text size
Неподносливата жештина е само првиот проблем што го носат последователните топлотни бранови. Сега размислуваме за проблемите што допрва ќе стигнат. Долготрајната суша на европскиот континент ги намали нивоата на големите реки а тоа носи повисоки цени и поголема неизвесност.
Потрошувачката на струја расте поради поголемата потреба за ладење, а производството на енергентот се намалува затоа што ја нема толку потребната вода. Цените на електричната енергија на берзите во вечерните часови растат до нивоа видени за време на енергетската криза во 2022 година. А на прагот сме на неизвесна зима затоа што европските земји се мачат да ги наполнат резервите со гас.
И испораките на храна се проблематични. Рекордно ниските нивоа на Дунав го оптоваруваат виталниот пат за транспорт на жито од регионот на Црното Море.
Сепак, Сонцето неделава ни приреди и спектакуларно шоу. Сведоци бевме на едно од ретките затемнувања. Феноменот најубаво можеше да се регистрира од Шпанија и Исланд кои беа преплавени со туристи.
Природата влијаеше и на туристите на Сицилија каде ерупциите на вулканот Етна го затворија аеродромот во екот на летната сезона.
Неделава разорен земјотрес имаше во Колумбија. Земјата се соочи со голем број загинати, а економските последици допрва доаѓаат.
Прочитајте повеќе:
Ќе го сврти ли демографијата целосно пазарот на недвижности во земјава? Трендот почна
Колку нето-готовина имаат компаниите од МБИ10 и што значи тоа за вреднувањето?
Го анализиравме автомобилскиот пазар во земјава и глобално. Бројот на автомобили во Македонија надмина 615.000, а доминираат постари дизелаши. Кога се работи за новите возила на глобалниот пазар веќе е вклучен алармот - добивката по возило падна на 1.187 евра, се топи германскиот извоз во Кина. Оваа земја и натаму продава многу автомобили на европскиот пазар, но профитабилноста на компаниите паѓа.
Анализиравме колку чини автопатска сага во Македонија и кои се главните причини што ги тераат граѓаните на поплаки кон македонските банки. Неделава „Иуте Македонија“ успешно издаде корпоративна обврзница во износ од три милиони евра со што не обезбеди само нов капитал за раст, туку постави и значаен репер за развојот на корпоративното финансирање и пазарот на капитал во Македонија.
Долгорочните државни обврзници на САД постигнаа највисоки приноси во последните 25 години што е знак дека буџетскиот дефицит носи загриженост кај инвеститорите.
Европските берзи нижат рекорди, а анализите покажуваат дека Европа е многу поголема сила во вештачката интелигенција отколку што повеќето мислат. Инвестициите во ВИ ги поделија „Величествените седум“. Анализиравме кој ги оправда милијардите, а кој ги разочара инвеститорите. Ви откривме и која е најдобрата заштита од вештачката интелигенција и како да инвестирате во S&P 500, а да го намалите ризикот од ВИ-еуфоријата.
Неделава „Енвидија“ демонстрираше финансиска моќ за да ги смири кредитните пазари, Закерберг објави свој манифест, а приходите на „Опен еј-ај“ надминаа 40 милијарди долари пред ИПО-то.
.webp){kind=icon}
