Одлуката каде да ги инвестирате вашите пари може да биде незгодна во сегашната средина на рекордни добивки на берзата. Аналитичарите предупредуваат на високи вреднувања на акциите и зголемена неизвесност поради геополитичките тензии. Инвеститорите се прашуваат дали сè уште има простор за раст на пазарите. Ние анализираме каде во следните години да вложите 50.000 евра.
Добро утро, ова се најважните пет вести на денот.
Увоз на половни наспроти нови возила: Македонија близу до 4:1
За пет месеци од годинава се увезени близу 30.000 возила во земјава, покажуваат податоците на Царинската управа. Ваквата бројка упатува на тоа дека до крајот на 2025 година ќе биде урнат рекордот што беше поставен лани, кога за 12 месеци беа увезени близу 60.000 возила.
И годинава најмногу се увезуваат половни патнички автомобили. Од јануари до мај се увезени над 18.800 употребувани возила, а бројот на увезени нови автомобили се намалува.
Кој во Европа се труди да ги задржи, а кој да ги привлече богаташите
Како што се засилува летната сезона, така се повеќе се чини дека соседна Грција повторно ќе потврди дека е високо на списокот на најпосакувани туристички дестинации за граѓаните од регионот. Истовремено, според последните истражувања, токму оваа медитеранска земја се издвојува како најатрактивна кога станува збор за таканаречен престој преку инвестиции – програма според која може да се добие привремен или постојан престој во замена за финансиска инвестиција во државата. И не е единствена – бројни земји бараат начини да привлечат богати странци.
Но, сега во Европа се појавува и противтежа на тоа – држави кои традиционално се познати по високи даноци не сакаат да ги изгубат своите „златни кокошки“, односно бараат начини да го спречат одливот на богатите.
Пад на невработеноста во САД, се затвора вратата за намалување на каматите од Фед
Растот на работните места во САД ги надмина очекувањата во јуни четврти месец по ред, а стапката на невработеност се намали, покажувајќи пазар на труд кој се држи и покрај забавувањето на економијата.
Вработувањата се зголемија за 147.000 минатиот месец, поттикнати од скокот на вработувањето во државните и локалните власти, според извештајот на Бирото за статистика на трудот објавен во четврток, еден ден порано поради празникот на Денот на независноста. Стапката на невработеност падна на 4,1 проценти.
Пентагон критикуван поради одлуката да ја запре испораката на оружје за Украина
Пентагон во средата беше критикуван поради својата одлука да го запре испраќањето ракети за воздушна одбрана во Украина, при што конгресмените и од двете страни тврдат дека тој потег е кратковид во време кога Русија ги засили своите ракетни напади, како и оние со беспилотни летала.
Тие го оспорија аргументот на Пентагон дека паузата е неопходна додека САД ги разгледуваат своите резерви и ја проценуваат потребата од зачувување на оружјето за други закани. Иако бројките на резервите се класифицирани, оружјето што најмногу ѝ е потребно на Украина не е итно потребно на друго место и немаше итна потреба на земјата да ѝ се одбие оружјето што веќе беше на пат, рекоа тие.
Најбараните часовници во боја на ф’стак
Ф’стак зелената (или можеби жалфија?) моментално го доживува својот „хоролошки“ момент, освојувајќи го зглобовите низ светот годинава. Иако бојата на ф’стак никогаш не била прогласен од „Пантон“ (Pantone) за боја на годината, изгледа дека сè повеќе добива на популарност: некогаш резервирана за помали часовници, оваа смирена боја, инспирирана од природата, сега се појавува и на големи и на поскромни модели.
Современите храбри брендови на часовници воведуваат нијанси како нане, мов и морска пена на сè – од комплицирани модели до едноставни часовници со приказ само на времето. Бојата се појавува насекаде – од ремчиња и бројчаници до компоненти на механизмот.
.webp){kind=icon}
Во моментов нема коментари за веста. Биди прв да коментира...