Феноменот на новиот Ворен Бафет доби речиси митски статус во инвестициската заедница. Општо земено, филозофијата на Бафет може да се разбере преку три клучни принципи, а тоа е да се купуваат бизниси по разумни цени, да се инвестира долгорочно во она што го разбирате и да имате емоционална дисциплина - без паника во кризи, туку гледање на нив како можности. Дали е роден новиот Бафет, кој ги има сите особини на овој инвестициски научник е една од темите на која се фокусираме следната недела. Но, почнавме со подготовка и на други анализи.
Меѓу нив, цената на дрвата. Фјучерсите на дрво за изградба пораснаа и сега се на априлскиот максимум. Глобално вредноста се зголемува, па анализираме како тоа се одразува во Европа, регионот и кај нас. Дефинитивно, најверојатно цената на становите нема да се намалува. А странци интензивно почнале да бараат станови на продажба во Охрид и тоа е една од клучните теми кои ќе бидат во нашата неделна агенда. Видовме дека Балканците, меѓу кои секако има и Македонци навалија на станови во Дубаи и Абу Даби, за што веќе пишувавме сеопфатна анализа. А дали можете да ставите под хипотека стан во странство за кредит во домашна банка? Тоа е следна наша анализа.
Во фокусот ни е и идејата за мултифондови меѓу пензиските друштва. Ќе помине уште една година, а концептот се уште не е развиен па ќе се посветиме на ова прашање, кое е клучно во развојот на пензискиот систем.
Расте долгот во евра во Европската Унија кои го поседуваат европските централни банки. Се прашуваме и ќе одговориме колку во моментов во записи имаат нашите комерцијални банки. Од друга страна идејата за стејблкоинс веќе на големо се дискутира во Соединетите американски држави. Каде е регионот по регулацијата на ова прашање?
Ќе направиме и преглед на продажбата на автомобили во првото полугодие. Она што е ново што во европските земји, најмногу во Германија, е тоа што во последниот месец има импресивен раст на продажбата на електрични автомобили.
Читајте „Блумберг Адрија“ и научете нешто на „Блумберг Адрија експерт“.
.webp){kind=icon}
Во моментов нема коментари за веста. Биди прв да коментира...