Новото линеарно зголемување на пензиите може да биде причина за судски постапки затоа што не се почитува правилото за усогласување на пензиите, предупредува Фискалниот совет во најновиот извештај. Советот уште еднаш потенцира дека ваквото зголемување на пензиите создава и фискални проблеми.
Добро утро, ова се останатите пет вести што се важни за почеток на денот.
Инстант среќа: Лани сме оставиле над 200 милиони евра во обложувачници
Македонските граѓани лани оставиле над 209 милиони евра (12,858,584,788.00 денари) во спортските обложувачници. Податоците што ги побара „Блумберг Адрија“ од Управата за јавни приходи покажуваат дека просечната уплата по тикет лани изнесувала 269 денари.
Спортските обложувачници лани исплатиле добивки во вредност од 169 милиони евра (10,387,112,009.00 денари) или 40 милиони евра помалку од сумата што ја собрале при уплата. Најголемата исплатена добивка лани изнесувала близу 68 илјади евра (4,175,581.00 денари). Ќарот на државата само по основ на данок на личен доход изнесувал над 20 милиони евра (1,250,518,828.00 денари), колку што УЈП наплатила по основ на овој данок од исплата на добивки кај спортските обложувачници.
Џеко во даночен рај, Дончиќ во пекол: Колку пари земаат државите од спортистите
Кога професионалните спортисти од регионот потпишуваат договори вредни милиони во Италија, Шпанија или САД не размислуваат само за клаузулите и бонусите, туку и за тоа каде ќе плаќаат данок. Зашто, меѓу двe спонзорски реклами и три тренинга, една одлука за местото на живеење може да донесе или однесе десетици милиони евра.
Петтемина најпознати спортисти од регионот Един Џеко, Лука Модриќ, Лука Дончиќ, Новак Ѓоковиќ и Никола Јокиќ одамна не играат само против ривалите на теренот. Нивниот вистински предизвик е управувањето со даночната комплексност во земјите што ги сакаат – но и скапо ги наплатуваат.
Македонски бизнисмени плаќаат тренери за личен развој ама помалку од западните колеги
Лајф коучинг (англ. life coaching) или тренинг за личен развој одамна не е само популарен термин, туку веќе стана почитувана, истражувачки поткрепена професија што трансформира животи и бизнис-организации. Водечката нишка на оваа професија е посветеност да им се помогне на другите да си ги разјаснат целите, да ги надминат пречките и да преземат значајни чекори напред, индивидуално, но и професионално.
„Мордор интелиџенс“ (www.mordorintelligence.com), компанија за истражување пазари, проценува дека глобално пазарот на тренинг за личен развој во моментов вреди 3,64 милијарди долари, а во 2030 година ќе достигне 5,79 милијарди долари со сложена годишна стапка на раст од 9,71 отсто. Најголем удел има Северна Америка, а најбрзорастечки е азиско-пацифичкиот регион.
Македонскиот извоз расте со побрзо темпо од увозот
Вкупната вредност на извозот на стоки од Македонија во периодот јануари - јуни 2025 година, изнесува 4,04 милијарди евра и бележи пораст од 2,9 проценти во однос на истиот период од претходната година, соопшти Државниот завод за статистика. Вредноста на увезената стока, во периодот јануари- јуни 2025 година, изнесува 5,67 милијарди евра, што е за 2,4 проценти повеќе во споредба со истиот период од претходната година.
Трговската размена по производи според стандардната меѓународна трговска класификација покажува дека во извозот најголемо е учеството на: катализаторите на носачи со благородни метали или нивни соединенија, сетовите на проводници за палење и слично за возила, авиони или бродови, деловите на седишта и други катализатори на носачи.
Што е дупката де минимис во царинскиот систем и зошто Трамп сака да ја затвори?
Претходно речиси непознат поим надвор од круговите на царинските посредници, латинскиот термин „де минимис“ (de minimis) годинава стана дел од насловите. Причината за тоа е одлуката на американскиот претседател Доналд Трамп да го затвори царинскиот пропуст за таканаречената де минимис стока.
Фразата – што во груб превод значи „премалку за да биде важно“ – се однесува на мали пакети што се испраќаат директно до потрошувачи од странство. Пакетите што ги исполнуваат условите за де минимис имаат голема предност: не подлежат на царинска декларација и на тарифи. Иако секој поединечен пакет е мал, вакви пратки се испраќаат во огромни количества кон САД преку онлајн платформи за евтина стока како што се кинеските „Шејн“ (Shein Group Ltd.) и „Тему“ (Temu).
.webp){kind=icon}
Во моментов нема коментари за веста. Биди прв да коментира...