Новите глобални царини од 10 отсто на американскиот претседател Доналд Трамп стапија во сила, со што Белата куќа го започна обидот да ја зачува трговската агенда на претседателот откако Врховниот суд ги поништи неговите првични сеопфатни давачки. Трамп потпиша извршна наредба со која ја одобри царината од 10 отсто, само неколку часа по судската одлука. Потоа тој се закани дека стапката ќе ја зголеми на 15 отсто. Веднаш потоа стигна реакција дека новите царини на Трамп го кршат договорот со ЕУ и надлежните институции го одложија споведувањето на договорот.
Откривме дека додека сите очи се вперени кон тоа колку повеќе може да растат акциите на компаниите поврзани со вештачка интелигенција, малкумина обрнуваат внимание на знакот што првпат во 2008 година покажа дека нешто под површината се крши - пазарот на обврзници.
Приметивме уште еден тренд на меѓународниот пазар - дека групата „Величествени 7“ (Magnificent 7) влегува во болна фаза на отрезнување на почетокот на 2026 година. Додека претходниот период беше обележан со безусловна еуфорија околу генеративната вештачка интелигенција, фокусот на инвеститорите драматично се префрли од ветувањето за идна доминација на моменталната оперативна дисциплина.
Прочитајте повеќе:
ББА-анализа: Како ќе влијае падот на цената на шеќерот во Македонија и регионот?
Колку вештачки ѓубрива се користат во Македонија, а колку во ЕУ?
Цената на нафтата порасна додека инвеститорите ги одмеруваа шансите за нуклеарен договор со Иран, откако американскиот претседател Доналд Трамп изјави дека претпочита дипломатско решение, но предупреди на последици доколку не биде постигнат договор. Брентот се искачи кон 72 долари за барел, откако во понеделникот затвори со мал пад, додека вест тексас (ВТИ) беше близу 67 долари.
Пратениците во македонското Собрание го изгласаа владиниот предлог-закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево-Охрид. Составен дел од законските е измени е нов осми по ред анекс на договорот меѓу ЈП за државни патишта и кинеската компанија „Синохидро“ кој првично беше склучен во 2013 година со кој се предвидува пролонгирање на градежните работи на автопатската делница Кичево-Охрид до мај 2027 година и дополнителни средства од 186 милиони евра.
Прочитајте повеќе:
Полни локали, различни бизнис-резултати: како работи угостителскиот сектор
Крај на ерата на еден парфем: Нов тренд ја менува играта
„Алкалоид“ АД Скопје објави консолидирана нето-добивка од 1,79 милијарди денари (29,1 милиони евра) за минатата година, што е зголемување од седум проценти во однос на претходната година кога консолидираната нето-добивка изнесуваше 1,68 милијарди денари (27,3 милиони евра). Собранието на акционери на компанијата на предлог на Управниот одбор донесе одлука за исплата на дивиденда за 2025 година во износ од 720,00 денари бруто, односно 648,00 денари нето по акција.
Управниот одбор на „Реплек“ АД Скопје соопшти дека на Собранието на акционери ќе му предложи за исплата на вкупна дивиденда за 2025 година да се издвојат 119 милиони денари (1,93 милиони евра). Се предлага исплата на дивиденда по акција во бруто износ од 500 денари односно нето износ од 450 денари. Собранието на акционери седницата на која ќе се разгледува овој предлог треба да ја одржи на 1 април годинава.
Прочитај повеќе:
Како да го инвестирате вашиот бонус во регионот Адрија
Купуваат лозје, вложуваат во фондови: Колкави бонуси земаат топ менаџерите од регионот Адрија
Полска „крои“ нов закон со кој ќе се забранат социјалните медиуми за деца под 15 години, подготвувајќи ја сцената за потенцијална битка со некои од најголемите американски технолошки компании. Нацрт-законот предвидува казни за платформите на социјалните медиуми ако нивните услуги останат достапни за помладите деца и ќе ги смета за одговорни за проверка на возраста на нивните корисници.
Државниот завод за статистика соопшти дека бројот на невработени лица во четвртото тримесечје од 2025 година е намален за 0,4 проценти во споредба со третото тримесечје од 2025 година и за 3,6 проценти во споредба со истото тримесечје од минатата година. Оттаму информираа дека заклучно со четвртото тримесечје 2025 година бројот на активно население изнесува 800.911 лица, бројот на вработени изнесува 709.523 лица, а бројот на невработени изнесува 91.388 лица. Стапка на активност е 52,8 проценти, стапка на вработеност е 46,8 проценти, а стапката на невработеност е 11,4 проценти.
.webp){kind=icon}
