„УБС“ прогнозира уште подобра година за европските акции

Посилните заработки и  растот распространет низ повеќе сектори ќе ги поттикнат европските акции на нови максимуми оваа година, според стратезите на швајцатската групација „УБС“ (UBS Group AG), кои сега се најголемите „биковски“ настроени прогнозери меѓу сите оние што ги следи „Блумберг“.

Гери Фаулер и Сутања Чеда ја зголемија својата проценка за крајот на годината за индексот Stoxx Europe 600 на 690 од 630, што подразбира пораст од околу 8 отсто од сегашните нивоа. Нивната нова прогноза го надминува претходното највисоко предвидување од 680, поставено минатиот месец од Мислав Матејка од „ЏП Морган“ (JPMorgan Chase & Co.)Тимот на „УБС“  смета дека добивките ќе се протегаат и во 2027 година, со цел од 760, што подразбира зголемување од 19 отсто во текот на следните 18 месеци.

 

Стратезите на „УБС“ прогнозираат понатамошен раст на европските акции

Bloomberg Mercury

 

„Време е за помалку претпазливост“, напишаа стратезите. „Ги зголемуваме нашите цели за Stoxx 600 бидејќи заработките се поотпорни, подобри од очекуваното.“

За аналитичкиот тим, три работи се променија: надградбите поврзани со вештачката интелигенција се посилни, банките продолжуваат да добиваат позитивни ревизии, а големите одбранбени компании повеќе не го влечат индексот надолу, потпомогнати од слабоста на еврото. Овие промени се доволни за да поддржат раст на заработката од над 10 отсто, како и повисоки проценки, рекоа тие.

Европските акции се опоравија од загубите предизвикани од војната во Иран, а неодамнешните разгорувања на тензиите не беа доволни за да го попречат растот. Економските индикатори се измешани, но аналитичарите продолжија да ги зголемуваат проценките за заработката пред сезоната на објави на резултатите за вториот квартал. Тие очекуваат раст на профитот од околу 12 отсто во анализираниот период. 

 

Приносот на европските акции на крилата на растечките профити

Bloomberg Mercury

 

За Фаулер и Чеда, сезоната на заработки ќе го зајакне моментумот и треба да потврди дека Европа се држи подобро отколку што сугерира економскиот наратив.

„Очекуваме инвеститорите да се фокусираат на три прашања: дали надградбите поврзани со вештачката интелигенција продолжуваат, дали банките сè уште испорачуваат позитивни ревизии и дали одбранбениот сектор конечно се стабилизирал“, рекоа тие. „Одговорите треба да го поддржат неодамнешното подобрување на расположението“.