Ако од вас не се бара да се вратите во канцеларија можете да живеете и да работите во Португалија со новата виза за дигитални номади. Португалската Влада воведува дозвола за престој со којашто работниците кои се ангажирани онлајн може да останат во земјата до една година. Официјалните лица објавија нови детали оваа недела, наведувајќи дека програмата, првично објавена во јули, ќе стапи на сила на 30 октомври.
Португалија стана омилена дестинација за Американците кои сакаат да патуваат или да се преселат во странство. Нејзината златна програма за визи - која нуди пат до европско државјанство - стана популарна во последниве години, истовремено генерирајќи критики за слабиот надзор.
Сепак, до сега, не постоеше едноставен начин привремените жители да работат од далечина од земјата. Претходно, иселениците мораа да аплицираат за виза Д7, која најмногу беше наменета за пензионерите.
„Дигиталниот номадизам е тренд кој добива на сила од раните 2020-ти и со пандемијата „Ковид-19“, далечинското работење стана реалност за многу работници“, рече Патриша Касабури, управен директор на Global Citizen Solutions, компанија за миграција за инвестиции.
„Оваа виза ќе ги поедностави процедурите за граѓаните од други земји кои сакаат да дојдат во Португалија и земјата ќе има корист од привлекување нови лица на пазарот на труд и повеќе човечки ресурси“, додаде таа.
Оние кои аплицираат за дигитална номадска виза мора да достават доказ за даночен престој, заедно со нивниот договор за вработување или, доколку се самовработени, друга форма на договор за работа. Просечниот месечен приход во последните три месеци мора да биде еквивалентен на најмалку четири пати од националната минимална плата во Португалија, која моментално е 705 евра (689 долари) месечно.
.webp){kind=icon}