.webp){kind=icon}
Швајцарската национална банка (СНБ) извести за загуба од 142,2 милијарди франци во првите девет месеци од годинава, бидејќи турбуленциите и несигурноста на светските пазари го зедоа данокот на вредноста на нејзиното девизно портфолио.
Валутната позиција на централната банка резултира со загуба од 141 милијарда франци, а минус се забележува и кај златните девизни резерви во швајцарска валута.
Најновите бројки укажуваат дека СНБ може да ја оствари најголемата годишна загуба во историјата. Иако таквите резултати нема да имаат влијание врз монетарната политика, сепак се чини дека сѐ помалку е веројатно сценариото за исплата на средства на швајцарската влада и кантоните. Тоа би било вторпат во повеќе од 100 години долгата историја на централната банка да се прескокне такво плаќање.
Прочитај повеќе
Акциите на Credit Suisse достигнаа рекордно ниско ниво
Во швајцарската банка челниците на компанијата и со последното обраќање не успеаја да ги смират акционерите.
03.10.2022
Bloomberg
СНБ помина повеќе од една деценија интервенирајќи на пазарот на капитал, со цел да ја прекине апрецијацијата на швајцарскиот франк, што резултира со портфолио на државните резерви поголемо од 800 милијарди франци.
Главната алатка на монетарната политика на централната банка сега се каматните стапки, кои излегоа од негативните стапки на крајот од септември. Од СНБ порачуваат дека имаат волја да интервенираат и во иднина.
Централната банка ги подигна клучните каматни стапки од -0,25 отсто во јуни на 0,5 отсто минатиот месец. И покрај тоа, заработи 69,3 милиони франци во третиот квартал.
Bloomberg
СНБ е акционерско друштво, со акционери од јавниот и приватниот сектор, а својата заработка ја пресметува споредувајќи ги цените, односно вредноста на имотот на почетокот и крајот на секој пресметковен период. Според тоа, големите промени во портфолиото претставуваат ризик, а привремените загуби може да се променат до крајот на годинава. Банката планира прелиминарните резултати за 2022 година да ги објави на 9 јануари 2023 година.
