.webp){kind=icon}
Германската економија во третото тримесечје се покажа поотпорна отколку што првично се очекуваше, резултирајќи со раст од 0,4 проценти, благодарение на силната потрошувачка од населението.
И првичното отчитување на податоците од 0,3 проценти раст веќе беше позитивно изненадување, пркосејќи ѝ на борбата на земјата со растечките трошоци за енергија и неизвесноста поттикната од руската војна во Украина. Податоците објавени утрово покажуваат раст првенствено поттикнат од потрошувачката на домаќинствата, која е зголемена за еден отсто во однос на претходниот квартал.
„И покрај остриот раст на цените и растечката енергетска криза, потрошувачите ја искористија можноста да патуваат и повеќе да излегуваат. Германската економија останува силна“, се наведува во соопштението од германската статистичка агенција.
Bloomberg Mercury
Претстојните месеци ќе претставуваат уште поголем предизвик, бидејќи се очекува најголемата европска економија да издржи рецесија, додека компаниите и домаќинствата се соочуваат со скок на цените на енергијата. Неговиот опсег, меѓутоа, ќе биде крајно неизвесен, смета германската централна банка, Бундесбанк, а ризикот од недостиг од природен гас се намалува благодарение на невообичаено топлото есенско време и полните складишта.
Владата на канцеларот Олаф Шолц, исто така, подготвува опсежни мерки за субвенционирање на гасот и електричната енергија, ублажувајќи го ударот на приходите од најголемата инфлација.
Мерката за деловни очекувања на институтот ИФО порасна, одразувајќи оптимизам дека рецесијата може да биде помалку тешка отколку што првично се стравуваше.
