Просечната плата и во октомври остварила висок номинален раст споредено со ланскиот октомври. Според денешните податоци на Државниот завод за статистика, во октомври просечната плата во земјава изнесувала 33.104 денари, или е за 13,6 отсто повисока од лани.
Високиот раст на просечната плата се должи на зголемените плати во секторите уметност, забава и рекреација (19,6 отсто), објекти за сместување и сервисни дејности со храна (19,3 отсто) и преработувачка индустрија (17,6 отсто).
Сепак, растот на платите е само номинален, а нивната реална вредност се топи поради сè повисоките цени, особено на храната и енергентите. Па, така, годинава во октомври просечната плата вреди 5,2 отсто помалку од лани.
Прочитај повеќе
ББА-анализа: Платите догодина поблаго ќе растат
Македонија има најниска просечна плата во регионот
28.11.2022
Брзиот раст на платите во последните години се должи на владината мерка што го стимулираше зголемувањето преку ослободување од плаќање придонеси. Мерката траеше три години и последен пат беше исплатена токму за октомври. Работодавците велат дека овој тренд на раст на платите во идното статистичко соопштение нема да се гледа.
.webp){kind=icon}
