Еден од најголемите синдикати во Велика Британија ја обвини владата дека одолговлекува со преговорите по штрајковите во железницата оваа недела. Двете страни треба да преговараат за платите и работните услови.
Мик Линч, генерален секретар на синдикатот, рече дека преговорите со Одделот за транспорт, и железничките компании ќе продолжат во понеделник на 9 јануари.
„Можевме да се сретнеме оваа недела или минатата недела за време на Божиќ, но тие решија да ги чекаат штрајковите“, рече Линч од протестот пред станицата Еустон во Лондон.
Тој говореше на вториот од петте дена штрајк на возовите, од кои четири ги спроведува неговиот синдикат. Машиновозачите од другата работна група, Аслеф, ќе одржат штрајк утре, што ќе доведе до целосно откажување на многу линии.
„Одам во преговори обидувајќи се да постигнам договор“, рече Линч. „Не одам таму само за да се обидам да ги расипам разговорите. Но, на двете страни е да се обидат да дојдат до позиција што сите можеме да ја поддржиме“.
Портпаролот на Одделот за транспорт рече дека разговорите ќе се одржат следната недела, но не потврди точен датум.
.webp){kind=icon}
