Ограничувањата на имиграцијата поради брегзит доведоа до недостиг од 330.000 работници во Обединетото Кралство (ОК), што придонесе за заострување на пазарот на трудот и поттикнување на инфлацијата, покажува новиот извештај.
Нискоквалификуваните сектори, вклучувајќи ги и малопродажбата и угостителството, се најтешко погодени од укинувањето на слободата на движење по заминувањето на Обединетото Кралство од Европската Унија (ЕУ), покажа анализата на Центарот за европски реформи.
Најновите бројки ги покажуваат трошоците од брегзит за економијата на ОК. Додека конзервативната влада на премиерот Риши Сунак се залагаше за излез од ЕУ, таа сега се бори да ги заузди економските последици од таквата одлука.
Владата на Обединетото Кралство вети дека ќе ја запре понудата на евтина работна сила од Европа кога воведе нов имиграциски систем по брегзит.
„Велика Британија изгуби околу еден отсто од својата работна сила поради влијанието на брегзит“, сметаат економистите Џон Спрингфорд и Џонатан Портес од истражувачката група. „Иако тоа доведе до зголемување од 130.000 работници од земји што не се членки на ЕУ до јуни 2022 година, сепак е многу помалку во споредба со сценариото по промената на контролите за имиграција по брегзит, кога беа избришани 460.000 работници од ЕУ“, велат економистите.
Недостигот од работници помогна да се поттикне најсилниот раст на платите во Обединетото Кралство по пандемијата, создавајќи повеќе главоболки за тамошната централна банка, Банката на Англија, која се бори со болно висока инфлација. Во извештајот се забележува дека најголем недостиг од работници од земји што не се членки на ЕУ се откриени во секторите транспорт и складирање, малопродажба и угостителство.
„Условите на новиот систем, иако е либерален, се премногу тешки за да се компензира загубата на слободното движење во нискоквалификуваните сектори на економијата, што доведе до недостиг од работна сила. Веројатна е некаква комбинација на повисоки плати и цени со помало производство, особено во работата што е тешко да се автоматизира“, велат Спрингфорд и Портес.
.webp){kind=icon}
Во моментов нема коментари за веста. Биди прв да коментира...