Турската централна банка не ги промени своите проекции за инфлацијата за оваа и следната година, што е знак дека креаторите на политиката се уверени дека сега имаат контрола врз потрошувачките цени, бидејќи земјата излегува од најлошата криза на трошоците за живот во последните две децении.
Гувернерот Сахап Кавчиоглу рече дека турската инфлација треба да заврши оваа година на 22,3 отсто и да забави до 8,8 отсто во 2024 година. „Централната банка ќе продолжи со својата програма за кредитирање“, рече тој.
Монетарната власт го испорача своето најново основно сценарио на прес-конференција во Анкара, каде што го претстави и својот прв квартален извештај за инфлацијата за оваа година. Растот на цените нагло забави во декември на 64 проценти на годишно ниво, од 85 отсто, колку што беше во претходните месеци, делумно благодарение на статистичкиот ефект од високото ниво кон крајот на 2021 година, кога лирата изгуби речиси една третина од својата вредност во еден месец.
Турција ѝ пркоси на економската конвенција избегнувајќи зголемување на каматните стапки и потпирајќи се на алтернативни алатки, вклучувајќи ги и девизните интервенции и политики што промовираат поширока употреба на лирата.
Изборите што се приближуваат дополнително ја зголемуваат итноста да се прогласи победа над инфлацијата, при што претседателот Реџеп Таип Ердоган рече дека тие ќе го продолжат своето „брзо“ забавување и ќе ја завршат оваа година на околу 20 проценти.
Кавчиоглу рече дека веќе нема основа за високи зголемувања на цените во Турција и дека нејзиното забавување на инфлацијата е поддржано од основните показатели.
.webp){kind=icon}
