Германската инфлација забави во јануари на најниско ниво во последните пет месеци благодарение на континуираната владина помош за олеснување на товарот на домаќинствата од зголемените трошоци за енергија.
Агенцијата го одложи планираното објавување на податоците минатата недела поради проблеми со обработката. Тоа одложување го принуди „Евростат“ да направи само процена, а не конкретна пресметка за најголемата економија на континентот како дел од неговото читање пред една недела за целата еврозона од 20 нации.
Движење на потрошувачките цени во Германија / Bloomberg Mercury
Бројката објавена денеска е за повеќе од половина поен поголема од претпоставката на „Евростат“, што ја зголемува веројатноста за ревизија при објавата на конечните бројки на 23 февруари.
Толкувањето на податоците е комплицирано со редовното преценување на енергетските договори на домаќинствата и разните мерки за помош од владата. Имаше и ажурирање на потрошувачката кошничка што „Дестатис“ ја користи за своите пресметки. Поради таа промена, агенцијата не објави преглед на одделните компоненти.
Германија во декември ги покачи сметките за природен гас на потрошувачите, додека ограничувањето на цените на електричната енергија стапи во сила во јануари. Максималната горна граница за цените за греење ќе започне следниот месец, при што домаќинствата ретроградно ќе добијат надомест за разликата во првите два месеца од годината.
По минатонеделните податоци на „Евростат“ за инфлацијата, Европската централна банка ги зголеми трошоците за задолжување за уште 50 базични поени и сигнализира зголемување од иста големина на следниот состанок, во март.
Креаторите на политиките се загрижени дека тврдоглавите основни ценовни притисоци, односно базичната инфлација, која остана на рекордни 5,2 проценти во јануари, може да ја запалат спиралата на цените на платите, која бара уште повисоки каматни стапки.
Во интервју за „Берзен цајтунг“ (Boersen-Zeitung), претседателот на германската централна банка, „Бундесбанк“, Јоаким Нагел, рече дека постои голема опасност инфлацијата да се одржи доколку ЕЦБ прерано се откаже.
„Од моја перспектива денес, ќе бидат потребни позначителни зголемувања на стапките“, рече тој.
.webp){kind=icon}
