text size
Македонија го прослави 8 Септември – Денот на независноста односно 35 години од прогласувањето суверена и самостојна држава. Посочивме дека нашата земја во изминатиов период мина низ многу политички и економски премрежија, што резултираше со бавен наместо забрзан развој. Поради тоа, Македонија во континуитет го губи најголемиот капитал – луѓето, што најдобро го илустрираат негативните демографски показатели.
Статистичките податоци покажаа дека стапката на инфлација во земјава во август во однос на истиот месец минатата година се зголемила за 2,6 проценти, што е благо забрзување во однос на јули кога таа изнесуваше 2,3 проценти. Регулаторната комисија за енергетика соопшти дека дизелот поскапува за шест денари и ќе се продава по 101 денар за литар, како и дека поскапуваат и бензините - еуросупер БС-95 на 97 денари, а БС-98 на 99 денари за литар.
Прочитајте повеќе:
Растот на цената на шеќерот може да им ги замати сметките на „Витаминка“ и „Атлантик Група“
Подем на Централна Азија: Од егзотичен пазар до инвестициска дестинација
Колку зборови ни се потребни за да се разбереме со светот? Македонец тврди дека 700 се доволни
Во текот на неделата, цената на нафтата брент надмина 107 долари за барел, што беше предизвикано од нападите меѓу САД и Иран и закрепнувањето на купувањето нафта од Кина. „Голдман Сакс груп“ предупреди дека нафтата може да се искачи до 120 долари за барел ако се зголемат нападите врз бродовите на Блискиот Исток.
Нафтата не е единствената суровина чија цена расте во изминатиов период. Бакарот го продолжи растот и достигна ново рекордно високо ниво, бидејќи ограничената понуда на краток рок и очекувањата дека САД ќе воведат царини за увоз на рафиниран бакар ги поддржаа цените.
Пченицата забележа најголем раст во речиси две недели откако Русија го отфрли предлогот за мораториум на нападите врз бродови што превезуваат цивилна стока во Црното Море, зголемувајќи ја загриженоста за долготрајни нарушувања на испораките на жито преку овој клучен трговски коридор.
Прочитајте повеќе:
Продуктивност: Како македонските компании прават повеќе со истите ресурси
Македонија веќе плаќа премногу за долгорочно задолжување
Доаѓа Супер Ел Нињо - ќе донесе ли со себе и ценовен енергетски шок
Следуваше размрдување во домашниот и во регионалниот банкарски сектор. „Штаермеркише Шпаркасе Групација“ објави дека има намера да ги преземе сите запишани обични акции издадени од „Уни банка“ од Скопје. Од друга страна, „НЛБ Групацијата“ склучи договор за купување акции со „Скупина Прва д.д.“ и нејзините поврзани страни, за стекнување на 25,66 отсто од сите нематеријализирани акции на „Дежелна банка Словеније д.д“ (ДБС),
Европската централна банка ги зголеми каматните стапки по вторпат откако почна војната со Иран во февруари, како одговор на знаците дека инфлацијата ќе остане значително над 2 отсто. Депозитната стапка беше зголемена за четвртина процентен поен, на 2,5 отсто во четвртокот, како што предвидуваа речиси сите економисти во анкетата на „Блумберг“.
Прочитајте повеќе:
Зелената агенда и дигитализацијата се пречка за пробив на нашите компании во странство
Зошто одгледувањето говеда станува се поисплатливо?
„Меркадо либре“: Дали „Амазон од Латинска Америка“ е следната голема инвестиција?
Продолжија турбуленциите на пазарот на обврзници каде глобалната распродажба ги доведе приносите на 10-годишните американски државни обврзници на прагот од пет проценти. Повеќе аналитичари сметаат дека надминување на оваа психолошка граница може да сигнализира продлабочена економска криза.
На крајот на неделата пристигнаа драматични предупредувања од Силициумската долина за егзистенцијалните ризици од вештачката интелигенција. На тоа се надоврза веста дека „Опен еј-ај“ (OpenAI) размислува да го забави развојот на вештачката интелигенција од најнапреден тип, а извршниот директор на компанијата што стои зад ЧетГПТ (ChatGPT), Сем Алтман изрази надеж дека и другите компании за вештачка интелигенција ќе го направат тоа.
.webp){kind=icon}
