Претседателката на Европската централна банка (ЕЦБ), Кристин Лагард, рече дека базичната инфлација останува „значително превисока“ дури и откако главниот показател за ценовниот раст во еврозоната рекордно се намали месецов.
Имено, базичната инфлација, која ги исклучува нестабилните трошоци за енергија и храна, во март се искачи на историски највисоко ниво од 5,7 отсто, додека главниот податок падна на 6,9 од 8,5 проценти.
Вкупна и базична инфлација во еврозоната / Bloomberg Mercury
„ЕЦБ сè уште има 'почва за покривање' за на среден рок да ја врати инфлацијата на два отсто. Сепак, тие 350 базични поени на зголемување на каматните стапки од јули минатата година почнуваат да функционираат“, им рече Лагард денеска на студентите во Фиренца, Италија.
Лагард повтори дека неодамнешниот стрес на финансискиот пазар нема да биде пречка во борбата против инфлацијата и рече дека „Дојче банк“ (Deutsche Bank) не треба да се споредува со падот на „Кредит Суис“ (Credit Suisse Group AG). Таа потенцираше дека европскиот финансиски систем е силен, што значи дека нешто слично на колапсот на банката „Силикон валеј“ е многу малку веројатно.
.webp){kind=icon}
Во моментов нема коментари за веста. Биди прв да коментира...