Инфлацијата во Британија ги надмина очекувањата

Инфлацијата во Обединетото Кралство е повисока од очекуваната четврти месец по ред, зголемувајќи го притисокот врз Банката на Англија (БОЕ) за натамошно покачување на каматните стапки.

Индексот на потрошувачките цени во мај е зголемен за 8,7 отсто во однос на претходната година, исто како и претходниот месец, објави во средата Државниот завод за статистика. Базичната инфлација, која ги исклучува нестабилните цени на храната и енергијата, неочекувано порасна на 7,1 отсто од 6,8 отсто. Економистите очекуваа дека вкупната инфлација ќе биде 8,4 отсто, а основата ќе остане непроменета.

По објавата, фунтата порасна дури за 0,3 отсто, на 1,2802 долари.

Цените на половните автомобили, заедно со авионските билети и трошоците за рекреација и култура, ја зголемија инфлацијата, што укажува на тоа дека притисокот на цените се префрли од храната и енергијата кон остатокот од економијата.

„Трошоците за авионски билети се зголемени од пред една година и се на повисоко ниво од вообичаеното во мај“, вели Грант Фицнер, главен економист на заводот. „Музиката во живо и компјутерските игри исто така придонесоа инфлацијата да остане висока. Тоа беше неутрализирано со падот на цените на бензините. Инфлацијата на цената на храната сè уште е висока, но стапката е малку намалена“.

Британија е единствената голема економија каде што цените растат над четири пати побрзо од целта на централната банка од два процента. Гувернерот на БОЕ, Ендрју Бејли, е загрижен за знаците дека инфлацијата е сè уште тврдоглава и покрај најбрзото зголемување на стапките во последните четири децении.

Додека БОЕ очекува инфлацијата нагло да падне годинава, економистите предупредуваат дека премиерот Риши Сунак може има проблеми во исполнувањето на својата цел да ја преполови.

„Нема да се колебаме во нашата решеност да ја поддржиме Банката на Англија, бидејќи таа се обидува да ја истисне инфлацијата од нашата економија, истовремено обезбедувајќи насочена поддршка за трошоците за живот“, рече канцеларот Џереми Хант во изјава. „Знаеме колку високата инфлација ги повредува семејствата и бизнисите низ целата земја, а нашиот план да ја намалиме стапката на половина оваа година е најдобриот начин да ги задржиме трошоците и каматните стапки надолу.

Две мерки се внимателно следени од БОЕ поради знаци дека растот на цените што не е увезен повторно е зголемен. Базичната инфлација, која ги исклучува нестабилните цени на храната и енергијата - неочекувано забрза на нов 30-годишен максимум од 7,1 отсто, додека цените на услугите се зголемија за 7,4 отсто, што е нагло покачување од 6,9 отсто раст во април.

БОЕ ги зголеми стапките на 12 последователни состаноци од 0,1 отсто на 4,5 отсто и се очекува да ги зголеми за уште четвртина поен на 4,75 отсто в четврток.