Германската невработеност неочекувано се зголеми, иако паѓаше 15 последователни месеци. Во последната статистика за јуни впрочем во луѓето кои бараат работа беа вклучени и украинските бегалци, поради што бројот на невработени се зголемил за 133.000. Стапката на невработеност е во тој месец 5,3 отсто.
„Пазарот на трудот како целина продолжува да биде стабилен“, рече шефот на Федералната агенција за труд Детлеф Шеле.
„Овие зголемувања се должат на фактот што украинските бегалци сега се евидентираат во центрите за работа и затоа се видливи во статистиката на пазарот на трудот“, додава тој.
Bloomberg Mercury
Европската централна банка (ЕЦБ) предвиде овој месец дека бегалците ќе ја зголемат активната работна сила во еврозоната за дури 1,3 милиони луѓе. Аналитичарите, сепак, објаснуваат дека брзо стареењето на населението и недостигот на персонал во регионот - како и културната близина и брзите напори да им се помогне на оние што избегаа од војната - може да ја поедностават интеграцијата во работната сила.
Германија би можела да биде домаќин на голем дел од новодојдените, иако Полска во моментов е дестинација број 1 за неодамна раселените луѓе. Тоа е затоа што Германија имала голем број украински мигранти пред војната, податок што веќе го објави ЕЦБ
Според последните податоци растот на работните места почнува да забавува, а тоа го покажа мерењето на S&P Global. Според него фирмите ги преоценуваат своите потреби за персонал во услови на мрачна перспектива.
Германската Бундесбанк, пак, во својот последен месечен извештај објави дека работодавците во бројни индустрии сè уште се борат да најдат квалификувани работници, но истакна дека растот на вработеноста забавува.
.webp){kind=icon}
