ЕЦБ веројатно ќе запре со зголемување на каматите до крајот на 2023

Европската централна банка најверојатно ќе престане да ги зголемува каматните стапки до крајот на годината бидејќи инфлацијата забавува, изјави главната извршна директорка на „Нетаксис“ (Natixis SA), Стефани Пе.

„Веројатно ќе има некаква стабилизација на нивото на стапки што ќе им даде доверба на економските актери“, рече Пе во денешното интервју за телевизијата „Блумберг“ во рамките на конференцијата што се одржува во јужна Франција.

И покрај тоа што нивото на пазарот на акции е доста високо, таа не очекува пад освен ако не се случи некој голем геополитички настан. Пе, која беше назначена да раководи со инвестициската банка со седиште во Париз во декември, минатата година сепак смета дека нестабилноста, која е на високо ниво во последните три години, ќе биде присутна и понатаму.

Во овој контекст, „Нетаксис“, која веќе ангажираше трговци од „Кредит Суис“ (Credit Suisse Group AG) пред колапсот на швајцарската банка оваа година, може да продолжи да го прави тоа и во иднина.

„Ние сме прагматични. Ако ни требаат луѓе, можеме да ги прашаме вработените во „Кредит Суис“ дали сакаат да дојдат“, рече таа и додаде дека сепак банката нема да инсистира да доведе кадри исклучиво од швајцарската банка.

Силни институции

Иако сликите од неодамнешните немири во Франција по полициското убиство на тинејџер од северноафриканско потекло не се позитивни за имиџот на Франција во странство, земјата има средства да се трансформира во наредните години, рече Пе.

„Има вештини, има многу силни институции, финансиски институции во Франција кои ќе се спротивстават“, рече таа.

Во моментов нема коментари за веста. Биди прв да коментира...

Остави коментар