Цените на природниот гас во Европа паднаа бидејќи невообичаено топлото време ја намалува побарувачката, која веќе беше еродирана од слабата индустриска потрошувачка.
Договорот за испорака во ноември падна дури за 7,5 отсто, допирајќи го најниското ниво од почетокот на тргувањето кон крајот на 2017 година. Тој падна за повеќе од 15 отсто во изминатата недела. Цените во текот на денот исто така паднаа.
Се предвидува дека до викендот температурите ќе се искачат над 20 Целзиусови степени (68 F) од Лондон до Франкфурт и Париз и ќе останат над нормалата барем до средината на месецот, тврдат од „Максар технолоџис“ (Maxar Technologies). Тоа, а по топлиот септември, ќе го одложи почетокот на грејната сезона.
Складиштата се дополнуваат со гас, а според податоците на „Гас инфрастракчр Јуроп“, капацитетите на резервите се исполнети до 96 отсто во просек. Одделно, Египет планира да го обнови извозот на течен природен гас овој месец, што е дополнителен плус за глобалните резерви.
Недостигот од побарувачка ги држи цените под контрола, иако трговците продолжуваат да го следат пазарот за ризици од понудата, како што се неодамнешните продолжени прекини во најголемиот доставувач Норвешка.
Bloomberg Chartmaker
Потрошувачката на гас во Европската Унија и во Велика Британија во септември беше за 9 отсто помала од пред една година, наведе Том Марзек-Мансер, шеф за анализа на гас во ИЦИС (ICIS), во објава на социјалната мрежа X, потврдена преку мејл. Тоа беше исто така 20 отсто пониско од просекот во 2017-2021 година за месецот, неприспособен за температурите, покажуваат прелиминарните податоци на ИЦИС.
„Во Германија комерцијалната и станбената побарувачка минатиот месец беше речиси половина на онаа од пред една година“, рече тој, додавајќи дека малиот раст на индустриската побарувачка од август „целосно испари“.
Цената на гасот во Холандија, кој се смета за референтна вредност, падна за 7 отсто, до 36,60 евра за мегават-час, до 12 часот во Амстердам. Цените за еден ден однапред во Холандија и во Велика Британија исто така паднаа, при што промптните цени во Британија достигнаа најниски нивоа од почетокот на август поради зголеменото производство од ветер.
.webp){kind=icon}
Во моментов нема коментари за веста. Биди прв да коментира...