.webp){kind=icon}
Членот на Советот на гувернери на Европската централна банка (ЕЦБ), Франсоа Вилерој де Галхау, изјави дека се надева оти циклусот на затегнување на монетарната политика, кој траеше повеќе од 12 месеци, е завршен.
„За да се бориме против инфлацијата, моравме да ги зголемиме нашите каматни стапки и се надевам дека сме на крајот од тој циклус на затегнување“, рече гувернерот на Банката на Франција на прес-конференција во четвртокот во Париз. „Знам дека лекот не е пријатен, но е ефикасен“, додаде тој.
Стапката на раст на потрошувачките цени ќе се врати на два отсто до 2025 година, и во еврозоната и во Франција, посочи Вилерој.
Прочитај повеќе
Забавувањето на инфлацијата во еврозоната укажува на пауза од страна на ЕЦБ
ЕЦБ ќе го паузира зголемувањето на каматните стапки за да го процени влијанието
29.09.2023
Лејн: Каматите ќе останат рестриктивни сè додека е потребно
„Со идните одлуки ќе обезбедиме клучните каматни стапки на ЕЦБ да останат рестриктивни онолку долго колку што е потребно“, рече главниот економист на ЕЦБ.
22.09.2023
ЕЦБ може повторно да ги зголеми каматите, вели ирскиот гувернер
Европската централна банка (ЕЦБ) би можела да одлучи да ги зголеми каматните стапки во октомври.
21.09.2023
Лагард: ЕЦБ не разговара за намалување на каматните стапки
Каматните стапки ќе се постават на доволно рестриктивни нивоа сè додека е потребно за да се достигне целта од два отсто.
15.09.2023
Повеќето функционери на ЕЦБ сега сигнализираат дека стапките веројатно се на својот врв, доколку не се случи нов ценовен шок во наредните месеци - што ќе оправда понатамошна акција.
Гувернерот на централната банка на Словачка, Петер Кажимир, ја повтори својата надеж дека невидената серија на зголемувања на каматните стапки на ЕЦБ е завршена.
„Цврсто верувам дека зголемувањето на стапките на последниот состанок беше последно“, изјави словачкиот функционер за новинарите во Братислава. „Ќе треба да ги почекаме прогнозите за декември и март. Само реалните податоци можат да нè убедат дека сме дошле до крајот на затегнувањето“, заклучи тој.
Сепак, дури и ако трошоците за задолжување се на својот врв, прерано е да се зборува за намалувања, вели членот на Извршниот одбор на ЕЦБ, Луис де Гвиндос.
„Прерано е - сè уште не сме во таа позиција“, изјави тој за кипарската новинска агенција во видеоинтервју. „Веруваме дека сегашното ниво на каматните стапки ќе даде многу важен придонес за постигнување на нашата цел за инфлација од два процента“, додаде тој.
Иако забавува, инфлацијата сè уште е висока и сè уште не е поразена, рече претседателот на Бундесбанк, Јоаким Нагел, кој се осврна на „многу високата“ базична инфлација.
„Ние во Советот на гувернери на ЕЦБ мора да продолжиме со нашата рестриктивна политика“, рече тој во четвртокот.
