Голем дел од шведските сопственици на домови кои беа притиснати од високите трошоци за задолжување можат да здивнат бидејќи банките ги намалуваат каматните стапки на хипотекарните кредити по најновата одлука на „Риксбанк“ да не ја заострува монетарната политика.
Најголемите шведски даватели на хипотекарни кредити, „Свенска Ханделсбанкен“ (Svenska Handelsbanken AB) и „Сведбанк“ (Swedbank AB) неделава ги намалија каматите на станбените заеми бидејќи растат очекувањата дека централната банка на нордиската држава заврши со подигање на референтната стапка во овој циклус на покачување.
„На нашата понуда првенствено влијаат каматите на пазарот, а тие неодамна паднаа како резултат на очекуваното намалување на стапките од „Риксбанк“ следната година“, рече портпаролот на „Сведбанк“.
Најголемата банка во нордискиот регион, „Нордеа Банк“ (Nordea Bank Abp), како и „Данске Банк“ (Danske Bank A/S) и голем број помали кредитори, исто така, ги намалија трошоците за нивните хипотеки.
„Риксбанк“ минатиот месец ја прекина 18-месечната кампања на зголемување на каматните стапки, воздржувајќи се од нанесување поголема болка на се поболната шведска економија. Оттогаш, свежите податоци покажаа дека инфлацијата забави повеќе од очекуваното во ноември.
„Ги прилагодивме хипотекарните каматни стапки поради промените во пазарните каматни стапки“, рече Анели Адлер, шеф на лични клиенти во „Данске Банк“преку е-пошта. „Веруваме дека се добри шансите дека врвот на хипотекарните стапки веќе го достигнаа врвот во овој циклус.“
СЕБ АБ во моментов е единствената меѓу големите банки што допрва треба да ги намали хипотекарните стапки како одговор на неодамнешните случувања.
.webp){kind=icon}
