Еврото расте во очекување на позаострена политика на ЕЦБ

Еврото скокна на двонеделен максимум, а обврзниците паднаа ширум Европа откако пазарите почнаа да се обложуваат на поагресивно темпо на зголемување на каматните стапки од страна на Европската централна банка.

Заедничката европска валута се зголеми за повеќе од 1 процент по извештаите дека креаторите на политиката на ЕЦБ размислуваат за зголемување на каматната стапка за 50 процетни поени на нивниот состанок во четврток, што е поголемо од потегот за четврт поен сигнализиран во јуни.

Тоа доведе до тоа пазарите на пари да се обложуваат на речиси 50 проценти шанса за покачување за половина поен оваа недела и повеќе од процентен поен до септември. Обврзниците со пократок рок на доспевање беа доведени до распродажба, при што германските двегодишни приноси, кои се меѓу најчувствителните на промените во политиката на ЕЦБ се зголемија за дури 12 процетни поени до 0,64 проценти.

Изгледите за побрзо заострување на политиката би можело да дојде како олеснување за евро-инвеститорите. Заедничката валута минатата недела падна на најниско ниво во последните 20 години. Трговците беа загрижени дека ЕЦБ ризикува дополнително да заостане зад Федералните резерви во зголемувањето на каматните стапки.

Во моментов нема коментари за веста. Биди прв да коментира...

Остави коментар