.webp){kind=icon}
Економијата на еврозоната ќе се прошири побрзо отколку што се мислеше годинава, бидејќи најголемата членка на блокот по повеќе од една година речиси излегува од стагнација, покажа анкетата на аналитичарите на „Блумберг“.
Производството во валутната унија од 20 нации ќе се зголеми за 0,7 проценти во 2024 година - повеќе од напредокот од 0,5 отсто што беше предвиден во последното месечно истражување. Бруто-домашниот производ во Германија сега се зголемува за 0,2 отсто во споредба со 0,1 проценти порано.
Bloomberg Mercury
Резултатите, кои вклучуваат позитивни изгледи за економијата во Франција, Италија и во Шпанија, го доловуваат подобрувањето на расположението во регионот. Европската централна банка се подготвува да започне со намалување на каматните стапки.
Испитаниците во истражувањето предвидуваат намалување на депозитната стапка за три квартални поени годинава, која моментално изнесува четири проценти. Тоа е приближно во согласност со ставот на инвеститорите на пазарот на пари.
Bloomberg Mercury
Претседателката на ЕЦБ, Кристин Лагард, минатиот месец рече дека економијата на еврозоната „заздравува и јасно ги гледаме знаците на закрепнување“.
Истражувањето покажува дека инфлацијата во еврозоната ќе се искачи на два процента во наредните квартали и ќе го достигне тоа ниво во вториот квартал од следната година.
